Ukaz Łukašenki źmianiŭ miežy łandšaftnych zon pobač z zakaźnikam «Lebiadziny». Dziela čaho?
Ukazam Alaksandra Łukašenki ad 5 śniežnia byli źmienienyja miežy łandšaftna-rekreacyjnych zon ŭ rajonie zakaźnika «Lebiadziny» ŭ Minsku, kala jakoha «Tapas» buduje žyły kompleks i restaran. Heta vynikaje z apublikavanaha na Nacyjanalnym pravavym partale dakumienta. Što ŭsio heta značyć, razabraŭsia REALTY.TUT.BY.
Byŭ les — stała malaŭničaje miesca dla adpačynku i zabaŭ
Zhodna z ukazam № 468 ad 5 śniežnia, u hienieralny płan ŭnosiacca nastupnyja źmieny. Z łandšaftna-rekreacyjnaj zony typu ŁRpr (łandšaftna-rekreacyjnaj pryrodnaj) ŭ miežach praśpiekta Pieramožcaŭ i vulicy Ratamskaj vyklučajecca ŭčastak płoščaj 1,57 hiektara, jaki ŭklučajecca ŭ skład łandšaftna-rekreacyjnaj padzony ŁR-1'.
Zhodna z rehłamientam Hienpłana heta značyć, što pryrodnaja-łandšaftna-rekreacyjnaja terytoryja ź nizkaj rekreacyjnaj nahruzkaj (typu lesu ci hidraparku) pieratvarajecca ŭ centr navuki, kultury, zdaroŭja, turyzmu, adpačynku i zabaŭ z vysokimi rekreacyjnymi nahruzkami, dla jakich nieabchodna zabiaśpiečyć vysoki ŭzrovień pryrodnaha akružeńnia. Praściej kažučy, byŭ les — stała malaŭničaje miesca dla adpačynku i zabaŭ. I heta miesca, zhodna z ukazam, znachodzicca pamiž zakaźnikam «Lebiadziny» i zonaj žyłoj źmiešanaj zabudovy. Jak bačym, heta zabudova «Tapas», jaki buduje tut «Alimpik Park» z restaranam ŭ prybiarežnaj zonie.
Budaŭnictva viadziecca mienavita ŭ bufiernaj zonie pamiž zakaźnikam i žyllom.
I kali raniej na hetym učastku možna było zabudoŭvać tolki da 1% terytoryi, to ciapier — da 18%. Raniej na hiektary hetaj ziamli možna było pabudavać tolki 100 kvadratnych mietraŭ, ciapier — 1800. Jak bačym, uzrovień čałaviečaha ŭździejańnia na hetuju pryrodnuju zonu ŭzrastaje amal u 20 razoŭ.
Zakaźnik « Lebiadziny» taksama pamienšyŭsia
Z łandšaftna-rekreacyjnaj pryrodnaj asabliva achoŭnaj zony (u dakumientach — ŁRproo) vyklučajecca 0,13 hiektara i ŭklučajecca ŭ skład zony ŁRpr (łandšaftna-rekreacyjnaj pryrodnaj).
Heta značyć, što 0,13 hiektara terytoryi asabliva achoŭnaj terytoryi (zakaźnika «Labiažy») pieranosicca ŭ razrad łandšaftna-rekreacyjnaj pryrodnaj terytoryi ź nizkaj rekreacyjnaj nahruzkaj (typu lesu ci hidraparku).
Raniej hetuju terytoryju naohuł nielha było nijak horadabudaŭniča asvojvać, a ciapier — zusim minimalna, ale možna. Jak minimum zakon dazvalaje zabudavać da 1% jaje terytoryi.
Niadaŭna «Tapas» pačaŭ budavać restaran u prybiarežnaj zonie zakaźnika «Labiažy», jakaja raniej razhladałasia jak bufiernaja zona pamiž zakaźnikam i «Alimpik Parkam». Hetaja historyja aburyła aktyvistaŭ, ale zabudoŭščyk zapeŭnivaŭ, što ŭsio zakonna. Miarkujučy pa ŭsim, ciapier heta sapraŭdy tak.
Ciapier čytajuć
Kvadrat u Minsku kaštuje rekordna doraha: narešcie pabity rekord 2007 hoda2
Kamientary