Žurnalistku «Novaha Času» Dzijanu Sieradziuk aštrafavali na 490 rubloŭ za aśviatleńnie akcyi salidarnaści
Sud Centralnaha rajona Minska 22 śniežnia razhledzieŭ administracyjnyja spravy ŭdzielnikaŭ akcyi z papiarovymi karablikami kala Rasijskaj ambasady. Siarod fihurantaŭ — žurnalistka haziety «Novy Čas» Dzijana Sieradziuk. Žurnalistku za aśviatleńnie akcyi pakarali štrafam u pamiery 20 bazavych vieličyń.
Sudździa Ivan Kaścian, niahledziačy na ŭsie arhumienty z boku žurnalistki Dzijany Sieradziuk i redakcyi «Novaha Času», paličyŭ, što Sieradziuk udzielničała ŭ akcyi, a nie aśviatlała jaje i pakaraŭ žurnalistku štrafam u pamiery 20 bazavych vieličyń (490 rubloŭ).
Nahadajem, viečaram 26 listapada da ambasady Rasii ŭ Minsku pryjšło kala dziesiaci čałaviek, pieravažna z «Moładzi BNF», jakija ŭskłali na parapiet aharodžy papiarovyja karabliki, afarbavanyja ŭ kolery ŭkrainskaha ściaha. Heta była akcyja salidarnaści z ukrainskimi marakami, abstralanymi i zachoplenymi ŭ pałon u Azoŭskim mory.
Akcyju aśviatlała žurnalistka haziety «Novy Čas» Dzijana Sieradziuk, ale i jaje milicyjanty paličyli ŭdzielnicaj. Zaznačym, što na akcyi prysutničali žurnalisty inšych vydańniaŭ, da ich milicyja pretenzij nie vykazvała.
«Supracoŭniki Centralnaha RAUS paličyli, što ja nie aśviatlała akcyju Moładź BNF pa ŭskładańni karablikaŭ da Rasijskaj ambasady ŭ jakaści žurnalista, a prymała ŭ joj udzieł. Navat pratakoł dasłali»,
— napisała Dzijana Sieradziuk u fejsbuku.
«Na rozdum dali paŭhadziny». Nastaŭnicy z Połacka daviałosia zvolnicca z-za tyktok-błoha2
Kamientary