Adna z rek u Chabaraŭskim krai Rasii akazałasia zavalena kamianiami, a viaršynia susiedniaha pahorka zdajecca «zrezanaj». Niekatoryja vysoŭvajuć viersiju ab padzieńni mietearyta, ale jaho nichto nie bačyŭ i nie čuŭ.
Pa dadzienych miascovych ŚMI, incydent adbyŭsia niekalki dzion tamu, adnak padrabiaznaści nieviadomyja, pakolki ŭ hetaj miascovaści nichto nie žyvie.
Miascovaja administracyja schilajecca da viersii ab bujnym mietearycie. Ale jaho nichto nie bačyŭ i nie čuŭ, i navat NASA nie zafiksavała ŭvachodžańnie ŭ atmaśfieru Ziamli hetaha niabiesnaha cieła.
«Kali b tam upaŭ mietearyt, byŭ by taki vybuch, što my pačuli b u Chabaraŭsku. Błahavieščanskaja siejsmastancyja taksama b adznačyła situacyju. Kali ŭ 1947 hodzie ŭpaŭ Sichate-Alinski mietearyt, varonka była ŭsiaho 28 mietraŭ. Ale heta była padzieja, jakaja ŭzrušyła ŭvieś Daloki Uschod! Byŭ čutny huk, mnohija ludzi bačyli jaho padzieńnie», — prakamientavaŭ situacyju staršynia Chabaraŭskaha adździaleńnia Ruskaha hieahrafičnaha tavarystva Alaksiej Machinaŭ.
«Kratar pavinien być kruhłaj formy, naprykład, pry dyjamietry 40 mietraŭ jon pavinien być hłybinioj prykładna 20 mietraŭ. Hetuju varonku ni z čym nie zbłytaješ. A tam niezrazumiełyja kučy ziamli. Jość vialikija sumnievy», — padsumavaŭ jon.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary