Pačobut: Turemnyja nahladčyki śviatkavali napad na Ukrainu savieckimi pieśniami
Jak daviedaŭsia pra vajnu va Ukrainie i jak vyhladała turemnaja prapahanda paśla pačatku vajny, žurnalist i były palitviazień Andrej Pačobut raskazaŭ LRT.
Andrej kaža, što pra pačatak vajny viaźni daviedalisia ŭžo ŭ pieršy dzień — pa radyjo padčas prahułki.
— Było drenna čuvać, radyjo hrała cicha, tamu my nie ŭsio zrazumieli, ale stała jasna, što pamiž Rasijaj i Ukrainaj pačalisia vajennyja dziejańni. Kali my viarnulisia ŭ kamieru, praz turemnyja hukaŭzmacnialniki raptam pačali hučać pieśni časoŭ Druhoj suśvietnaj vajny, tak zvanaj «Vialikaj Ajčynnaj vajny», jak jaje nazyvajuć u Biełarusi, «Vstavaj, strana ohromnaja» i padobnyja kampazicyi. Hetyja vajennyja pieśni hrali amal uvieś dzień. Nahladčyki chadzili pa kalidorach u vidavočna pryŭźniatym nastroi.
Pačobut havoryć, što naohuł turemnaja sistema Biełarusi i Ministerstva ŭnutranych spraŭ adkryta simpatyzujuć Rasii. Ź ich boku pastajanna hučali frazy nakštałt «možam paŭtaryć Bierlin», havoryć były viazień.
— Pamiataju, jak jany radasna kamientavali adzin adnamu: «chachły ŭciakajuć» — maŭlaŭ, ukraincy biahuć sa svajoj krainy, chutka ŭsio skončycca. Ź ich prosta liłasia ŭpeŭnienaść. Jany tak byli ŭ sabie ŭpeŭnienyja. Adnak paźniej stała jasna, što vajna raźvivajecca nie tak, jak čakała Rasija. Ukraina pačała abaraniacca, i hetaja fanaberystaść vielmi chutka źnikła. Pieśni taksama zamaŭčali — ich bolš nie ŭklučali.
Žurnalisty taksama spytali jaho, ci treba siońnia, na jaho dumku, razmaŭlać z Łukašenkam? Ci źjaŭlajecca taki dyjałoh siońnia nieabchodnaściu ci pamyłkaj? Pačobut kaža, što pakul nie hatovy dać adnaznačny adkaz.
— U kaniečnym vyniku adkaz daje sama realnaść — treba dziejničać tak, kab heta davała vynik. Kali pieramovy dajuć vynik, kali jany dapamahajuć čahości dasiahnuć, značyć, treba razmaŭlać. Ale kali razmovy nie dajuć nijakaha vyniku, jaki sens ich praciahvać? — havoryć jon.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary
Zaŭsiody, pry kožnaj mažlivaści nahadvaju im pra ich duraść i zaŭsiody trollu. Bo z ruskamirnych akramia analizaŭ ničoha nielha ŭziać