U Zimbabve dziviacca, što ichni prezident sarvaŭsia ŭ hości da Łukašenki zusim raptoŭna. Pierad tym jon naviedaŭ schovišča z zołatam
U Zimbabve aktyŭna abmiarkoŭvajuć niečakany vizit prezidenta krainy Emiersana Mnanhahvy ŭ Biełaruś, zaŭvažyła ŭ miascovaj presie vydańnie Reform.news. Jon vylecieŭ z Charare nočču 14 maja biez uračystaściaŭ, jakija zvyčajna supravadžajuć pajezdki kiraŭnika dziaržavy. Taksama jon nie pryjšoŭ na raźvitalnuju viačeru ŭ honar staršyni Viarchoŭnaha suda, što jašče bolš pryciahnuła ŭvahu.
Pavodle infarmacyi miascovych miedyja, ułady nie stali padrabiazna tłumačyć metu pajezdki. Adzin z čynoŭnikaŭ tolki paviedamiŭ, što Mnanhahva ŭžo raniej lotaŭ u Biełaruś u padobnym farmacie — tajemna i biez aficyjnaj publičnaści.
Pajezdka adbyvajecca ŭ čas, kali ŭ parłamiencie Zimbabve rychtujucca abmiarkoŭvać źmianieńni ŭ Kanstytucyju. Jany mohuć padoŭžyć znachodžańnie Mnanhahvy pry ŭładzie da 2030 hoda i admianić pramyja vybary prezidenta.
Paśla adlotu ŭ sacsietkach źjavilisia čutki, što prezident nibyta vyviez z krainy załatyja źlitki. Hetyja razmovy ŭźnikli paśla jaho niadaŭniaha naviedvańnia reziervovaha banka i zołataschovišča.
Inšyja karystalniki mierkavali, što ŭ 83‑hadovaha Mnanhahvy mahli być prablemy sa zdaroŭjem.
Aficyjnaha paćviardžeńnia ŭsim hetym čutkam niama. Viadoma tolki, što ŭ Minsku ŭžo prajšła sustreča Mnanhahvy z Alaksandram Łukašenkam.
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary
tružieńnik moria.Viadoma tolki, što ŭ Minsku ŭžo prajšła sustreča Mnanhahvy z Alaksandram Łukašenkam.