Novy hieroj u Rasii: Dzima ź Išyma vyjšaŭ z bara, a pračnuŭsia za 300 km — u Ciumieni, u vahonie z vuhalem
«Ja adpačyvaŭ u Išymie ŭ miascovym bary. Ranicaj mnie treba było iści na rabotu, i ja jak samy adkazny čałaviek pryniaŭ rašeńnie iści dadomu pieššu, kab, tak by mović, pravietrycca».
Historyja, jakaja bolš nahadvaje siužet ekstremalnaj kamiedyi, zrabiła žychara rasijskaha horada Išym Dźmitryja Klimava sapraŭdnaj zorkaj internetu.
Usio pačałosia z taho, što ŭ sacsietkach źjavilisia videapaviedamleńni-kružočki, jakija Dzima zapisvaŭ svajmu siabru Saniu. Na kadrach bačny małady čałaviek, tvar jakoha całkam pakryty čornym vuhalnym pyłam. Znachodziačysia ŭ stanie mocnaha ałkaholnaha apjanieńnia, Dzima sprabuje rastłumačyć situacyju:
«Sania, ja, vidać, nie vyjdu na rabotu. Šeść hadzin ranicy. A ja kudyści jedu ŭ vahonie na vuhali. Ja nie viedaju, kudy ja jedu i kali prybudu».
U nastupnych videa Dzima paviedamiŭ Sani, što znachodzicca ŭ Ciumieni, i jašče raz skazaŭ, što nie zmoža vyjści na pracu.
«Ja zusim nie razumieju, jak u vahonie z vuhalem ja pryjechaŭ u Ciumień. Čamu? A kali b ja pryjechaŭ nie ŭ Ciumień, a ŭ jakuju-niebudź Abchaziju? I što b ja rabiŭ?» — zaŭvažaje małady čałaviek.
Pamiž Išymam i Ciumieńniu — amal 300 kiłamietraŭ, jakija chłopiec pieraadoleŭ u jakaści «zajca» siarod paliva.
Paźniej, kali Dźmitryj viarnuŭsia dadomu, jon raspavioŭ padrabiaznaści hetaj niezvyčajnaj nočy. Pavodle jaho słoŭ, usio adbyłosia ŭ noč z 8 na 9 maja, kali ŭ Rasii śviatkujuć Dzień Pieramohi.
«Ja adpačyvaŭ u Išymie ŭ miascovym bary. Ranicaj mnie treba było iści na rabotu, i ja jak samy adkazny čałaviek pryniaŭ rašeńnie iści dadomu pieššu, kab, tak by mović, pravietrycca», — napisaŭ Klimaŭ u svaim Instagram.
Adnak płan «pravietrycca» pajšoŭ nie pavodle scenaryja. Dzima ščyra pryznajecca, što nie pamiataje, jak trapiŭ na čyhunku: «Jakim čynam ja tam apynuŭsia, viadoma tolki kaktejlu «Tekiła Bum». Akramia telefona, u mianie z saboj ničoha nie apynułasia».
Videa Dźmitryja imhnienna stali virusnymi.
«Ihar, jaki buchi idzie dachaty, paśla hetaha hieroja niervova kuryć zboku», — zaŭvažajuć karystalniki.
Samim ža «hierojem» zacikavilisia pravaachoŭnyja orhany. Transpartnaja palicyja za parušeńnie pravił pavodzin na čyhunačnym transparcie pryznačyła padarožniku štraf sumaj 2000 rasijskich rubloŭ — heta kala 26 dalaraŭ.
Parień vyšieł iz bara, a prosnułsia vahonie s uhlem v Tiumieni za 300 km — hieroja nakazali
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma8
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1919
Kamientary
Upeŭnieny što 260$? Moža 26? [Red. — Dziakuj za zaŭvahu]
[Zredahavana]
kto-nibud́ choť provieriajet tieks , pieried otpravkoj v Śviet?
Dołłar v rośsii stoit nie 7,69 , kak vy pišitie, a 77 rublej.
Eto na čiom vas možno provieriť.
Intieriesno, ponabludaju, propustit li vaša cienzura moj kommientarij?[Red. — Dziakuj, vypravili]
[Zredahavana]