Što rabić, kali «Biełtelekam» paviedamiŭ pra «aŭtamatyčnaje» padklučeńnie płatnaha antyvirusa
Abanient «Biełtelekama» z Navahrudka atrymaŭ u kancy śniežnia pa pošcie niezvyčajnaje paviedamleńnie, piša 42.TUT.BY.
U paviedamleńni havaryłasia, što z kampjutara abanienta rassyłajecca spam. Kab hetaha paźbiehnuć, aperatar padklučyŭ antyvirus «Łabaratoryi Kaśpierskaha». U liście napisana: padklučeńnie pasłuhi biaspłatnaje, sa 100%-j źnižkaj na miesiac. A nižej: paśla zakančeńnia miesiaca — poŭnaja apłata.
Pasłuha kaštuje 16 kapiejek na sutki, abo 58,4 rubla na hod dla adnaho kampjutara.
«Z 20 śniežnia adbudziecca aŭtamatyčnaje biaspłatnaje padklučeńnie pasłuhi, — havorycca ŭ paviedamleńni. — Kali vas nie zacikaviła hetaja prapanova, prosim vas da 19 śniežnia patelefanavać u servisny centr abo adpravić paviedamleńnie na e-mail».
«Čamu rajonny vuzieł elektrasuviazi vyrašyŭ samavolna zaniacca naviazvańniem dadatkovych pasłuh — niezrazumieła, — razvažaje čytač TUT.BY, jaki dasłaŭ zdymak lista ŭ redakcyju. — U liście nie havorycca pra isnavańnie alternatyŭnych antyvirusnych rašeńniaŭ, pra toje, što heta rašeńnie moža być nabyta samastojna, i hetak dalej».
Da taho ž apieratar moža začynić abanientam-spamieram 25-y port pratakołu TCP/IP (jaho vykarystoŭvajuć dla pierasyłki paštovych paviedamleńniaŭ u vyhladzie niezašyfravanaha tekstu). Kali zrabić heta, spam nie budzie rassyłacca — navat biez płatnych antyvirusaŭ.
«Biełtelekam» u kamientary padkreślivaje: 25-y port abanientam-spamieram zakryvajuć prymusova.
«Bieručy pad uvahu toj fakt, što ŭ bolšaści vypadkaŭ spam-rassyłka ažyćciaŭlajecca bieź viedama abanienta z zaražanaha kampjutara, mienavita tym karystalnikam, čyj 25-j port byŭ začynieny, i dasyłajecca prapanova padklučyć pasłuhu «Antyvirusnaja abarona» ZAT «Łabaratoryja Kaśpierskaha»», — havorycca ŭ kamientary apieratara.
Apieratar śćviardžaje: abanientu pradstaŭlajecca mahčymaść admovicca ad padklučeńnia pasłuhi. Pry hetym abanient paviedamlaje vuzłu elektrasuviazi zvankom pa telefonie ci adpraŭkaj paviedamleńnia pa elektronnaj pošcie.
Paśla zakančeńnia akcyjnaha pieryjadu abanient taksama maje mahčymaść admovicca ad karystańnia pasłuhaj. Admovu možna aformić u servisnych centrach «Biełtelekam», asabistym kabiniecie karystalnika abo ŭ dadatku «Moj Biełtelekam».
Kamientary