Навука і тэхналогіі99

Што рабіць, калі «Белтэлекам» паведаміў пра «аўтаматычнае» падключэнне платнага антывіруса

Фота: pixabay.com

Абанент «Белтэлекама» з Навагрудка атрымаў у канцы снежня па пошце незвычайнае паведамленне, піша 42.TUT.BY.

У паведамленні гаварылася, што з камп'ютара абанента рассылаецца спам. Каб гэтага пазбегнуць, апэратар падключыў антывірус «Лабараторыі Касперскага». У лісце напісана: падключэнне паслугі бясплатнае, са 100%-й зніжкай на месяц. А ніжэй: пасля заканчэння месяца — поўная аплата.

Паслуга каштуе 16 капеек на суткі, або 58,4 рубля на год для аднаго камп'ютара. 

«З 20 снежня адбудзецца аўтаматычнае бясплатнае падключэнне паслугі, — гаворыцца ў паведамленні. — Калі вас не зацікавіла гэтая прапанова, просім вас да 19 снежня патэлефанаваць у сэрвісны цэнтр або адправіць паведамленне на e-mail».

Фота даслаў чытач.

«Чаму раённы вузел электрасувязі вырашыў самавольна заняцца навязваннем дадатковых паслуг — незразумела, — разважае чытач TUT.BY, які даслаў здымак ліста ў рэдакцыю. — У лісце не гаворыцца пра існаванне альтэрнатыўных антывірусных рашэнняў, пра тое, што гэта рашэнне можа быць набыта самастойна, і гэтак далей».

Да таго ж аператар можа зачыніць абанентам-спамерам 25-ы порт пратаколу TCP/IP (яго выкарыстоўваюць для перасылкі паштовых паведамленняў у выглядзе незашыфраванага тэксту). Калі зрабіць гэта, спам не будзе рассылацца — нават без платных антывірусаў.

«Белтэлекам» у каментары падкрэслівае: 25-ы порт абанентам-спамерам закрываюць прымусова.

«Беручы пад увагу той факт, што ў большасці выпадкаў spam-рассылка ажыццяўляецца без ведама абанента з заражанага камп'ютара, менавіта тым карыстальнікам, чый 25-й порт быў зачынены, і дасылаецца прапанова падключыць паслугу «Антывірусная абарона» ЗАТ «Лабараторыя Касперскага»», — гаворыцца ў каментары аператара.

Аператар сцвярджае: абаненту прадстаўляецца магчымасць адмовіцца ад падключэння паслугі. Пры гэтым абанент паведамляе вузлу электрасувязі званком па тэлефоне ці адпраўкай паведамлення па электроннай пошце.

Пасля заканчэння акцыйнага перыяду абанент таксама мае магчымасць адмовіцца ад карыстання паслугай. Адмову можна аформіць у сэрвісных цэнтрах «Белтэлекам», асабістым кабінеце карыстальніка або ў дадатку «Мой Белтэлекам».

Каментары9

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА32

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Усе навіны →
Усе навіны

П'яны васьмікласнік у Гомелі ў гандлёвым цэнтры біў нагамі супрацоўнікаў міліцыі12

Аўтамабіль пад Мінскам сутыкнуўся адразу з трыма ласямі1

Ад заўтра зноў пачне халадаць2

Каля Сбер банка ў Мінску адкрываюць помнік качцы

На канферэнцыі Reshape 2025 абурыліся «тысячамі канферэнцый», абвінавацілі Ціханоўскую ў дыктатуры і ацанілі вынікі 5 гадоў у эміграцыі28

«Тое, што Ізраіль зрабіў з Іранам, — гэта тое, што Расія хацела зрабіць з Украінай»18

Жанчына злавіла на Прыпяці гіганцкага таўсталобіка. Яго вага — каля 60 кг3

Дзяўчынцы з Польшчы, ахвяраваць грошы якой заклікаў беларус, сабралі патрэбную суму1

Пяць фактаў пра новага прэс-сакратара МЗС, які хамаватасцю косіць пад Марыю Захараву10

больш чытаных навін
больш лайканых навін

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА32

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Галоўнае
Усе навіны →

Заўвага:

 

 

 

 

Закрыць Паведаміць