Žychary Kurasoŭščyny źviarnulisia z adkrytym listom da ministra achovy zdaroŭja
Jany pišuć pra niezadavalnialny stan sistemy miedycyny ŭ mikrarajonie dy prapanujuć recept vyrašeńnia prablemaŭ.
Jany pišuć pra niezadavalnialny stan sistemy miedycyny ŭ mikrarajonie dy prapanujuć svoj recept vyrašeńnia prablemaŭ.
U liście da Vasila Žarko jany zaznačajuć, što dasiahnieńni ajčynnaj miedycyny, pra jakija pastajanna zajaŭlajecca z trybunaŭ i ŭ ŚMI, niedastupnyja žycharam Kurasoŭščyny.
U pryvatnaści, jany źviartajuć uvahu na toje, što ŭ 29‑j paliklinicy (vuł. Kazinca, 94) i 13‑j dziciačaj paliklinicy (vuł. Kižatava, 60/2) na pryjom da daktaroŭ vielizarnyja čerhi, tamu trapić na da patrebnaha lekara ciažka.
Nonsiensam jość toj fakt, što radzilny dom №6, da jakoha prypisanyja žycharki Kurasoŭščyny, znachodzicca na vuł. Uralskaj 6, a heta doŭhi šlach hramadskim transpartam.
Prykładam, kab dabracca da jaho z vulicy Kazinca ci Kižavatava, treba zrabić prykładna try pierasadki (tralejbus/aŭtobus, mietro, tramvaj/aŭtobus).
Taksama žychary Kurasoŭščyny źviartajuć uvahu na ahulnuju prablemu, ułaścivuju dla ŭsich staličnych radzilnych domaŭ: u dvuchmiestnych pałatach lažać pa troje, u adnamiesnych — pa dvoje.
Žychary Kurasoŭščyny prosiać:
1. Pabudavać novuju dziciačuju palikliniku ŭ rajonie płoščy Kazinca;
2. Pabudavać palikliniku ŭ mikrarajonie Łošyca, kab nasielnictva Łošycy mahło atrymlivać miedycynskuju dapamohu pa miescy žycharstva, nie stvarajučy nahruzki na palikliniku №29, jakaja i biez taho pierahružana.
3. Pabudavać sučasny radzilny dom u Kurasoŭščyny.
4. Ukamplektavać isnujučyja palikliniki miedpiersanałam tak, kab paliklinika mahła akazvać mieddapamohu nie źbirajučy čerhaŭ.
5. Kali achova zdaroŭja ŭ krainie poŭnaściu adpaviadajuć ŭzroŭniu ekanamična vysokaravitych dziaržavaŭ śvietu, to niachaj i zarabotnaja płata miedpiersanału taksama adpaviadajuć uzroŭniu vysokaraźvitych śvietu, choć našym miedykam nie patrebna było šukać lepšych zarobkaŭ
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA104
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary