У Мінску хлопец выгнаў «казака» з вагона метро, канфлікт трапіў на ВІДЭА
У вагоне мінскага метро днямі адбыўся канфлікт паміж пасажырамі. У Рэдакцыю «Нашай Нівы» даслалі відэа інцыдэнту.
Удзельнік спрэчкі (які здымаў відэа) суправадзіў яго сваім тлумачэннем.
Ён распавеў, што сустрэў прарасійскага актывіста, так званага «казака», на пероне станцыі метро «Купалаўская» і пачаў здымаць яго на відэа. Той, маўляў, быў нападпітку і стаў абражаць аператара.
Канфлікт працягнуўся ў вагоне. Тут аўтар відэа скінуў з апанента шапку.
Урэшце «казак» быў вымушаны выйсці з вагона.
«Я нічога не маю супраць казакоў, калі яны жывуць на Кубані, напрыклад. Але тут яны пагражаюць беларускай незалежнасці, — тлумачыць сваю матывацыю аўтар відэа. — Мы з сябрамі не першы раз ставім такіх людзей на месца».
З відэа цяжка зразумець, што стала першапрычынай канфлікту і хто першы стаў паводзіць сябе некарэктна.
Цяпер чытаюць
Былы палітвязень знайшоў у Вільні падпрацоўку ў чаце — і трапіў пад крыміналку за правакацыі супраць Украіны9
Каментары