Naściu Vašukievič (Naściu Rybku) i Alaksandra Kiryłava (Aleksa Łeśli) adpuścili ź izalatara časovaha ŭtrymańnia pad padpisku ab jaŭcy. Pra heta «Lentie.Ru» paviedamiŭ advakat Kanstancin Kuźmin.
«Śledstva va ŭsim razabrałasia i nas adpuścili. Umovy byli narmalnymi, ja chaču tolki adnaho — źjechać», — zajaviła Vašukievič paśla vychadu ź IČU. Jaje sustrakaŭ muž, a Łeśli — žonka.
Vašukievič i Kiryłava zatrymali 17 studzienia ŭ Šaramiećcieva, kudy jany prylacieli paśla departacyi z Tajłanda, dzie im dali ŭmoŭny termin pa spravie ab arhanizacyi sieks-treninhu. Maskoŭskaja palicyja paćviardžała, što im inkryminujecca ŭciahvańnie ŭ zaniaćcie prastytucyjaj.
Ministr zamiežnych spraŭ Uładzimir Makiej prakamientavaŭ žurnalistam daručeńnie prezidenta nieadkładna zaniacca vyzvaleńniem hramadzianki Biełarusi Nastaśsi Vašukievič.
— Usie daručeńni prezidenta, jakija MZS atrymlivaje, vykonvajucca bieśpiarečna, jakasna i ŭ termin, — zajaviŭ Makiej.
— Heta značyć vyzvaleńnie Naści Rybki — vynik pracy MZS?
— Heta kompleksnaja zasłuha. Jana vyzvalena pad padpisku ab jaŭcy, jana moža prylacieć u Minsk, ale pavinna pa pieršym patrabavańni źjaŭlacca ŭ sudzie, — rastłumačyŭ Makiej.
