U Turavie 12-hadovy chłopčyk abakraŭ miascovuju carkvu «Chram Usich Śviatych». Zdareńnie adbyłosia 18 studzienia, paviedamlaje abłasnaja milicyja.
Jon uzłamaŭ unutrany zamok u kacielni, paśla čaho zmoh prajści da ałtara i dalej u malitoŭnuju zału. U vyniku źnik abrazok u draŭlanaj ramcy, a taksama byli ŭskryty dźvie skrynki dla achviaravańniaŭ.
Supracoŭniki milicyi spačatku padumali, što kradziež moh ździejśnić darosły pad uździejańniem ałkaholu. Ale realnaść była inšaj — złačynstva ździejśniŭ 12-hadovy padletak, jaki žyvie niedaloka ad carkvy. Chłopcu spatrebilisia hrošy, i jon nie prydumaŭ ničoha lepšaha, jak zaleźci ŭ chram.
Pryčym uziaŭ 15 rubloŭ papierkami, a drobiaź manietkami brać nie staŭ. Abrazok carkoŭnasłužycieli acanili ŭ 10 rubloŭ.
Z chłopčykam budzie pravodzicca indyvidualna-prafiłaktyčnaja rabota. Taksama jość padstavy dla razhladu pytańnia ab jaho nakiravańni ŭ śpiecyjalnyja vučebna-vychavaŭčuju ŭstanovu zakrytaha typu, paviedamlaje milicyja.
Kamientary