Siońnia nočču ŭ Minsku aŭtamabil Audi sychodziŭ ad pahoni DAI, sprava skončyłasia DTZ, paviedamlaje abw.by.
— Kala troch hadzin nočy ŭ Partyzanskim rajonie, na skryžavańni vulic Bumažkova i Uralskaj, kiroŭca aŭtamabila Audi A6, sychodziačy ad pahoni ekipaža DAI, na vielizarnaj chutkaści praź niaviedańnie miascovaści zajechaŭ u tupikovy zavułak. U zavułku byli pryparkavanyja aŭtamabili. Audi źnios Mitsubishi, paškodziŭšy jaho zadniuju častku, zatym nalacieŭ na bietonnuju aharodžu, padskočyŭ i pralacieŭ mietraŭ piać, urezaŭšysia ŭ kut dzieviacipaviarchovaha doma. Źnios častku bietonnaha kuta, źmiaŭ kusty i spyniŭsia jašče mietraŭ praź siem.



U sałonie znachodzilisia dvoje mužčyn, «numary» na aŭto — pieršaha rehijona. Miarkujučy pa ŭsim, mužčyny byli pjanyja. Charakterna, što, cełyja, jany vyjšli z aŭto, sprabavali sabrać raskidanyja zapčastki, inśpiektary DAI ich tut ža zatrymali. Advieźli na ahlad, na miesca vyklikali evakuatar.
Kamientary