Сёння ноччу ў Мінску аўтамабіль Audi сыходзіў ад пагоні ДАІ, справа скончылася ДТЗ, паведамляе abw.by.
— Каля трох гадзін ночы ў Партызанскім раёне, на скрыжаванні вуліц Бумажкова і Уральскай, кіроўца аўтамабіля Audi A6, сыходзячы ад пагоні экіпажа ДАІ, на велізарнай хуткасці праз няведанне мясцовасці заехаў у тупіковы завулак. У завулку былі прыпаркаваныя аўтамабілі. Audi знёс Mitsubishi, пашкодзіўшы яго заднюю частку, затым наляцеў на бетонную агароджу, падскочыў і праляцеў метраў пяць, урэзаўшыся ў кут дзевяціпавярховага дома. Знёс частку бетоннага кута, змяў кусты і спыніўся яшчэ метраў праз сем.
У салоне знаходзіліся двое мужчын, «нумары» на аўто — першага рэгіёна. Мяркуючы па ўсім, мужчыны былі п'яныя. Характэрна, што, цэлыя, яны выйшлі з аўто, спрабавалі сабраць раскіданыя запчасткі, інспектары ДАІ іх тут жа затрымалі. Адвезлі на агляд, на месца выклікалі эвакуатар.
Цяпер чытаюць
Палітвязень расказаў, як звычайныя крымінальнікі аб’явілі галадоўку, каб палепшыць умовы ўтрымання палітычных3
Каментары