Karlukievič patłumačyŭ, čamu Aleksijevič nie zaprasili na biełaruski stend Minskaha knižnaha kirmašu
Ministr infarmacyi Aleś Karlukievič i dyrektar Minskaj Mižnarodnaj knižnaj vystavy Dźmitryj Makaraŭ adkazali, čamu na pradstaŭničym knižnym forumie biełaruskaja nobieleŭskaja łaŭreatka Śviatłana Aleksijevič pradstaŭlenaja na rasijskim stendzie vydaviectva «Vriemia», piša Radyjo Svaboda.
Na pytańnie Svabody, čamu na biełaruskich stendach nie znajšłosia miesca dla knih nobieleŭskaj łaŭreatki Śviatłany Aleksijevič, čamu dla sustreč ź joj zaŭsiody na vystavie advodziacca maleńkija pamiaškańni pobač z hučnymi vystupami artystaŭ, Karlukievič adkazaŭ:
«Pa-pieršaje, heta biełaruskaja vystava, jana pravodzicca ŭ Biełarusi. Nakolki ja pamiataju, Śviatłanu Aleksijevič zaprasiła maskoŭskaje vydaviectva «Vriemia», jakoje źjaŭlajecca ŭdzielnikam vystavy ŭ prahramie Rasijskaj Fiederacyi. I z ulikam vašaj zaŭvahi sioleta placoŭka, dzie projdzie prezientacyja i aŭtohraf-siesija łaŭreatki Nobieleŭskaj premii pavažanaj Śviatłany Aleksijevič, budzie dastatkova šyrokaja, nakolki heta mahčyma».
Karlukievič paviedamiŭ, što dniami ŭ vydaviectvie «Mastackaja litaratura» sa zhody Aleksijevič vyjšaŭ sihnalny ekzemplar novaha pierakładu na biełaruskuju movu knihi «U vajny nie žanočy tvar». Pierakłaŭ knihu Valancin Akudovič.
Dyrektar vystavy Dźmitryj Makaraŭ dadaŭ, što luby vydaviec, luby piśmieńnik moža padać svaju zajaŭku na ŭdzieł u ahulnaj prahramie:
«Što zaprasili, usio pradastavili, uličyli ŭsie pažadańni, u tym liku i zalu vydzielili tuju, što prasili dla Aleksijevič».
-
Biełarusy, jakim nie ŭdałosia atrymać adukacyjnyja dakumienty na radzimie, mohuć pastupać u polskija VNU pa śpiecyjalnaj pracedury
-
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić
-
Karajeŭ užo nabraŭ na Hrodzienščynie pieršy ŭzvod niadbajnych ahraryjaŭ
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary