U «Biełsajuzdrukach» pradajucca vokładki na pašpart u kolerach rasijskaha ściaha i nadpisam «Rasija». Jak apraŭdvajecca kiraŭnictva?
Karystalnik fejsbuka Hienadź Viniarski sfatahrafavaŭ palicu ŭ šapiku «Biełsajuzadruka».
Centralnuju pazicyju zajmaje vokładka ŭ kolerach rasijskaha ściaha i adpaviednym nadpisam. Jana pierakryvaje vokładki z aficyjnymi biełaruskimi simvałami.
Ci heta metanakiravanaja palityka — prapanoŭvać biełarusam abkładać svoj pašpart u rasijskija kolery?
«Naša Niva» zadała adpaviednaje pytańnie ideołahu «Biełsajuzdruka» Śviatłanie Nikanavaj.
«U Biełarusi nie robiać vokładki… Ale ich ža kuplajuć i hości stalicy, tamu heta nie prapahanda. Heta nie palityka… Davajcie vam lepš raskaža handlovy adździeł», — skazała jana.
U handlovym adździele śćviardžajuć, što turysty z Rasii achvotna kuplajuć u Biełarusi hetyja vokładki:
«U nas šyroki asartymient vokładak dla pašparta. Prosta jak uzor asartymientu. Čamu niama Brazilii i Hiermanii? Nu, na palicy niama mahčymaści pradstavić uvieś asartymient, usie kolery. Jakija jašče krainy jość? Roznyja jość. Aryjentavana na turystaŭ. Ničoha ideałahičnaha tut niama».
Ciapier čytajuć
HUBAZiK vykłaŭ dyskredytujučaje fota zatrymanaha, jaki «prapahandavaŭ nacyzm». Ale na zdymku skandalny Z-błohier5
Kamientary