Andrej Kaścicyn zakinuŭ usie šajby «Manreala», a Rusłan Salej svaju pieršuju šajbu ŭ siezonie.
U noč na 28 śniežnia ŭ Nacyjanalnaj chakiejnaj lizie, što na Rastvo brała tajm-aut, byli praviedzienyja čarhovyja pajadynki.
«Manreal Kanadyjens» vyjhraŭ u haściach u «Pitsburha» – 2:3.
Biełaruski forvard «kanadyjens» Andrej Kaścicyn zakinuŭ usie try šajby, i byŭ pryznany najlepšym hulcom matču.Na rachunku starejšaha z bratoŭ Kaścicynych ciapier 9 šajbaŭ i 7 asistenckich pasaŭ. Siońniašni chiet-tryk pieršy ŭ jahonaj zaakijanskaj karjery.
U jahonaha brata - Siarhieja - 6 šajbaŭ i 7 asistenckich pasaŭ.
***
Urešcie zakinuŭ pieršuju šajbu ŭ siezonie i abaronca «Kałarada Eviełanš» Rusłan Salej(dahetul u biełarusa byli tolki 8 asistenckich bałaŭ).
«Kałarada» vyjhrała pa bulitach u «Detrojta». Rusłan vyznačyŭsia ŭžo na 6-j chvilinie, a pieramožny bulit na rachunku Volskaha, što praŭda, nie Lavona, a ŭradženca polskaha Zabže Vojteka.
U tablicy Uschodniaj kanfierencyi «Manreal» idzie na 5-m miescy (44 bały), a ŭ Zachodniaj kanfierencyi «Kałarada» dzielić 8-9-je miescy z «Nešviłam». (35 hulniaŭ, 37 punktaŭ). Kab trapić u plej-of treba zaniać mienavita 8-je miesca.
Ale napieradzie jašče bolš čym pałova rehularnaha čempijanatu. «Manrealu» jašče treba pravieści 48 matčaŭ, «Kałarada» -- 47.
«Taronta», za jakoje vystupaje Michaił Hraboŭski, na Ŭschodzie tolki 11-je.
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta7
Kamientary