Chronika represij i supracivu 30 traŭnia – 5 červienia

Lidery MF prosiać niepaŭnaletnich spynić haładoŭku

Moładzievaha aktyvista Jaŭhiena Miadźviedzieva z Salihorsku zmusili spynić haładoŭku 31 traŭnia, pahražajučy jahonym baćkam. U hety ž dzień da haładoŭki ŭ Salihorsku dałučylisia Ŭładzimier Vałodźka j aktyvist AHP Uładzimier Lemieš.

1 červienia ŭ Lidzie da haładoŭki dałučyŭsia Siarhiej Čajka, u Horadni – Hanna Famina. Pa vychadzie z turmy ŭ Miensku da haładoŭki dałučylisia Źmicier Daškievič i Artur Fińkievič. U Žodzinie haładoŭku raspačali Barys Babkoŭ, Źmicier Čartkoŭ, Nastaśsia Šymko, Siaržuk Davydzienka, u Salihorsku – Hleb Sandras, Dzianis Karnoŭ.

U Bieraści 1 červienia za «niesankcyjavanaje relihijnaje mierapryjemstva» zatrymali ŭdzielnikaŭ «Vachty pamiaci» z udzielnikami haładoŭki Natallu Kaściukovič, Jurja Bakura, Jurja Klimienku (im vynieśli papiaredžańni), aŭtarku «NN» Natałku Charytaniuk, Andreja Šarendu: maładyja ludzi siadzieli na ziamli j moŭčki čytali Bibliju.

2 červienia da haładoŭki dałučylisia Siaržuk Hudzilin, Jaŭhien Vaŭkaviec, Pavał Karaniuchin z Žodzina j Kiryła Šymanovič ź Miensku. Salihorskich haładoŭnikaŭ 2 červienia naviedali pradstaŭniki ABSE.

5 červienia da haładoŭki dałučylisia Valer Mackievič z Babrujsku, Nasta Azarka ź Niaśvižu, niepaŭnaletniaja Vika Kutyrła z Žodzina, aktyvistka AHP Iryna Kačarova z Mahilova.

Kiraŭnictva «Maładoha frontu» 5 červienia źviarnułasia da niepaŭnaletnich udzielnikaŭ haładoŭki z prośbaj vyjści z akcyi. Haładoŭku spyniŭ 13-hadovy Illa Šyła.

30 traŭnia: štraf za ŭlotki

Stała viadoma, što 28 traŭnia administratara sajtu smorgon.org Źmitra Vianska, jaki adbyŭ 10 sutak aryštu za ŭdzieł u namiotavym miastečku j byŭ adličany z žurfaku BDU, vysadzili ź ciahnika, jaki jechaŭ ź Litvy ŭ Biełaruś: jahonaje imia było ŭ niejkim specśpisie. Pamiežniki praviali dohlad chłopca j źniali kopii ź jahonaha telefonnaha natatnika j sšytka z asabistymi zapisami.

Štraf u 5 bazavych vieličyniaŭ za raspaŭsiud zvarotu prafsajuzu REP nakładzieny na aktyvista prafsajuzu Alaksandra Jeŭsiejčuka, 29 traŭnia byŭ skasavany rašeńniem Čyhunačnaha sudu Homielu. Akramia taho, sud vynies pryvatnaje vyznačeńnie na adras kapitana milicyi Navumava za parušeńnie pravoŭ Jeŭsiejčuka.

Sud Pieršamajskaha rajonu Viciebsku 30 traŭnia aštrafavaŭ žurnalista Vadzima Barščeŭskaha na 5 b.v. za «niepadparadkavańnie supracoŭnikam milicyi»: 31 sakavika jaho zatrymali padčas pieravozki ŭlotak «Narodny kantrol» z apisańniem padziejaŭ 25 sakavika ŭ Miensku.

2 červienia: zatrymańni

U centry Miensku zatrymanyja moładzievyja aktyvisty Iryna Zavadzkaja, Kaciaryna Fursa, Taciana Kamkara, Julija Haračka, Siarhiej Rohač, Mikita Batałaŭ, Jaŭhien Renhord, Maryja Krajkova, Jaŭhien Lasienka: u ich na vopratcy byli znački «Za svabodu».

U Horadni ŭ Kastryčnickuju prakuraturu na dopyt u spravie «Maładoha frontu» vyklikali studentku ŭniversytetu Volhu Pałujčyk. Raniej u hetaj spravie jaje dapytvaŭ KDB.

Biespracoŭnuju Natallu Bordak ź Śvietłahorsku, jakaja maje na ŭtrymańni syna-školnika j dačku-studentku, vyklikali ŭ sud i papiaredzili, što jana abaviazanaja vypłacić štraf: padčas vybarčaj kampanii jaje aštrafavali na 2 b.v.

5 červienia: Aŭtuchovič špitalizavany

Jak stała viadoma ad Hanny Siŭčyk, jaje muž Viačasłaŭ Siŭčyk jašče 19 traŭnia zavočna asudžany na 10 sutak aryštu za «ŭdzieł u niesankcyjavanaj akcyi».

Sieržuka Niahacina dapytali ŭ mahiloŭskaj prakuratury jak śviedku ŭ spravie «Maładoha frontu».

U Žłobinie na 2 b.v. administracyjnaja kamisija aštrafavała moładzievaha aktyvista Edvarda Zielankova za «niezakonny raspaŭsiud drukavanych vydańniaŭ».

Mikałaja Aŭtuchoviča nie pryvieźli z turmy ŭ sud z uvahi na stan zdaroŭja: jon špitalizavany. 164 žychary Vaŭkavysku napisali list da pradprymalnika z prośbaj spynić haładoŭku.

U sud Centralnaha rajonu pieradadzienaja kryminalnaja sprava ŭ dačynieńni da lideraŭ arhanizacyi niezaležnych naziralnikaŭ «Partnerstva» Mikałaja Astrejki, Eniry Branickaj, Alaksandra Šałajki, Cimocha Drančuka, Dzianisa Nibijka.

Prakuratura Maskoŭskaha rajonu Miensku admoviłasia pačynać kryminalnuju spravu pa fakcie parušeńniaŭ pravoŭ žurnalistaŭ rabotnikami pravaachoŭnych orhanaŭ 2 sakavika ŭ suviazi z «adsutnaściu składu złačynstva». Aficyjny adkaz HA «BAŽ» atrymała ad prakurora V.Žynhiela.

U centry Miensku na płoščy Kalinoŭskaha (Kastryčnickaj) zatrymanyja Alaksiej Kazulin, Kaciaryna Fursa, Kastuś Vusianok, Siarhiej Ilkievič, Nastaśsia Koršun, Julija Haračka j inšyja moładzievyja aktyvisty (kala 10 čałaviek), jakija mieli zładzić akcyju salidarnaści z abaroncami namiotavaha miastečka z Rasiei dy Ŭkrainy, departavanych ź Biełarusi biaz prava pryjezdu. A.Kazulin paśpieŭ paviedamić, što jamu padkinuli narkotyki.

Mahiloŭski harvykankam admoviŭsia rehistravać haradzkuju supołku prafsajuzu REP: prafsajuznyja lidery daviedalisia pra heta praz 3,5 miesiaca paśla padačy dakumentaŭ, a nia ŭ miesiačny termin, adviedzieny zakonam. Farmalnaj nahodaj dla admovy stała adsutnaść dakumentu, jaki paćviardžaŭ by ŭzhadnieńnie jurydyčnaha adrasu, chacia supołka mieła damovu na arendu ofisu ŭ centry horadu.

AŠ

• 0
• 0
• 0
• 0
• 0
• 0
• 0
• 0