Žychary prapanavali adkryć dadatkovy aŭtobusny maršrut pa vulicy Kołasa. Ale im admovili
U Minsku nie płanujecca adkryvać aŭtobusny maršrut pa vulicy Jakuba Kołasa ŭ dadatak da isnujučaj tramvajnaj linii z-za nizkaj prapusknoj zdolnaści vulična-darožnaj sietki, paviedamili ŭ Minharvykankamie, kamientujučy zvaroty, jakija pastupili padčas akcyi BiełTA «Vaša pytańnie Prezidentu».
Žycharka stalicy prasiła arhanizavać aŭtobusnuju kamunikacyju ŭ hetym rajonie, bo časam adznačajucca zboi ŭ pracy tramvajaŭ. U Minharvykankamie rastłumačyli, što takoje rašeńnie nie ŭzhadniaje Dziaržaŭtainśpiekcyja z-za hieamietryčnych paramietraŭ vulicy, adsutnaści na joj adasoblenych adzin ad adnaho aŭtobusnych i tramvajnych prypynkaŭ.
U vypadku spynieńnia tramvajnaha ruchu na 20 i bolš chvilin ŭvodzicca časovy aŭtobusny maršrut. Takaja situacyja, u pryvatnaści, paŭstała 28 lutaha dvojčy z-za DTZ - z 7.30 da 7.50 i z 16.11 da 18.50. Pasažyraŭ pieravoziŭ aŭtobus №906 «DS Karbyšava — Čyrvonaja», ale z-za vialikaj intensiŭnaści ruchu utvarylisia transpartnyja zatory, jakija pryviali da parušeńnia hrafikaŭ.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova6
Kamientary