Alaksandr Łukašenka sustreŭsia siońnia ŭ Minsku z prezidentam Małdovy Iharam Dadonam, pieradaje BiełTA.
«Vielmi šmat pytańniaŭ, jakija my pavinny abmierkavać, jakija vakoł nas. Naturalna, i našy adnosiny, Małdovy i Biełarusi. Ja vielmi spadziajusia, što prablem u hetych adnosinach niama i być nie pavinna. Tamu što my patrebnyja adzin adnamu, my pra heta damovilisia. I siońniašniaja sustreča (chaj jana budzie karotkaj, ale vielmi važna, što my sustrelisia) budzie dadatkovym impulsam našym adnosinam. Ja tak baču hetuju sustreču», — skazaŭ Alaksandr Łukašenka.
Kiraŭnik dziaržavy dadaŭ, što jaho sustreča z prezidentam Małdovy — taksama dobraja nahoda abmierkavać mižnarodny paradak.
«Našy pohlady ahułam supadajuć, ale, tym nie mienš, stolki padziej. Asabliva ŭ našych susiedziaŭ, jakija znachodziacca pamiž nami, — vielizarnaja, cudoŭnaja kraina Ukraina. Dumaju, u vas svoj punkt hledžańnia pa situacyi, — adznačyŭ Alaksandr Łukašenka. — Mianie apošnim časam paprakajuć… Vy, napeŭna, zaŭvažyli, što ja zanadta časta kažu pra Ukrainu, ale jak inakš: naša kraina, blizkaja».
Łukašenka zakranuŭ i biełaruska-rasijskija adnosiny: «U nas składvajucca takija svojeasablivyja, z punktu hledžańnia žurnalistaŭ i mnohich inšych, adnosiny z Rasijaj. Ja chaču vas prainfarmavać ab situacyi, dy i ŭ vas, napeŭna, šmat čaho. Ja tak razumieju, vy zaŭtra ŭ Rasii budziecie, z kiraŭnictvam budziecie bačycca. Pryvitańnie, darečy, pieradavajcie našym dobrym siabram».
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram25
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary