U Rasii chočuć adradzić instytut narodnych družynaŭ. Ekśpierty miarkujuć, što heta adna z reakcyj uładaŭ na mahčymuju eskałacyju sacyjalnaj napružanaści.
U Rasii chočuć adradzić instytut narodnych družynaŭ. Ekśpierty miarkujuć, što heta adna z reakcyj uładaŭ na mahčymuju eskałacyju sacyjalnaj napružanaści.
Dziaržduma Rasii abmierkavała zakonaprajekt «Ab udziele hramadzianaŭ u achovie hramadskaha paradku», paviedamlaje Hazieta.Ru. Zakonaprajekt nadzialaje aficyjnym jurydyčnym statusam narodnyja družyny, jakija na siońnia dziejničajuć pa-za fiederalnym pravavym polem. Kali ž zakon prymuć, da słovaŭ družyńnikaŭ daviadziecca prysłuchvacca. Inakš – papiaredžańnie i navat štraf (kala 90 tys. biełaruskich rubloŭ) pavodle adpaviednaha artykuła ŭ administracyjnym kodeksie. Apranuć zvykłuju z savieckich časoŭ čyrvonuju paviazku zmoža daloka nie kožny: dapamahać milicyi zmohuć asoby biez sudzimaściaŭ, psichičnych zachvorvańniaŭ. Nie zmohuć patrapić u šerahi družyńnikaŭ siabry palityčnych partyj i ruchaŭ, hramadskich abjadnańniaŭ.
Tłumačycca nieabchodnaść viartańnia da savieckaj tradycyi ciažkaj kryminahiennaj situacyjaj na haradskich vulicach.
Inicyjatyvu Dziarždumy ŭchvalili pradstaŭniki nacyjanalistyčnych arhanizacyj, jakija i raniej vykazvali cikaŭnaść da narodnych družynaŭ. «U 2009 hodzie čakajecca mocny ŭsplosk vuličnaj złačynnaści. Ułady chočuć padstrachavacca», — miarkuje lider Ruchu suprać nielehalnaj mihracyi Alaksandr Białoŭ.
Rasijskija pravaabaroncy ŭ svaju čarhu ličać, što družyńniki patrebnyja ŭładam, kab maksimalna papiaredzić mahčymyja akcyi pratestu ŭ čas kryzisu. «Heta adna z uradavych antykryzisnych mieraŭ. Ale heta piarečyć Kanstytucyi i vykliča dadatkovaje supraciŭleńnie hramadstva», — zajaviŭ vykanaŭčy dyrektar ruchu «Za pravy čałavieka» Leŭ Panamaroŭ. Zaściarohi pravaabaroncaŭ niebiespadstaŭnyja. Raniej paviedamlałasia, što MUS Rasii prahnazuje rost sacyjalnaj napružanaści ŭ 2009 hodzie.
Deputaty Dziarždumy apielavali da vopytu inšych krainaŭ, u tym liku Biełarusi. Dziejnaść narodnych družynaŭ u našaj krainie rehłamientujecca zakonam «Ab udziele hramadzianaŭ u achovie pravaparadku» (№214-3 ad 26 červienia 2003 h.). U sumiesnym ź milicyjantami patrulavańni časta prymajuć udzieł čalcy praŭładnaj moładzievaj arhanizacyi BRSM.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami66
Kamientary