Jak vyśvietlili supracoŭniki paryžskaj prakuratury, pažarnaja sihnalizacyja ŭpieršyniu spracavała ŭ sabory Notr-Dam u 18:20 pa miascovym časie, paviedamlaje Buzz Feed. Supracoŭniki, što znachodzilisia ŭ budynku, nie vyklikali pažarnych i pasprabavali samastojna znajści tłumačeńnie. Krynicu ŭzharańnia za 23 chviliny jany nie vyjavili, a pažarnych vyklikali ŭ 18:43, kali ahoń užo achapiŭ vierchniuju častku budynka.
Vyśvietlić chranałohiju padziej udałosia ŭžo ŭ pieršyja sutki rasśledavańnia. Jak zajaviŭ prakuror Paryža Remi Chiejtc, pakul miarkujecca, što pryčynaj pažaru staŭ niaščasny vypadak, adnak «rasśledavańnie budzie doŭhim i składanym».
Jon skazaŭ, što paśla spracoŭvańnia pažarnaj sihnalizacyi słužačyja vykanali instrukcyju: evakujavali z sabora usich starońnich asob, adnak pryčynu nie znajšli.
Jaho zajavu paćviardžaje i arhanist Iachan Viezo, jaki raspavioŭ vydańniu Ouest-France, što ŭ pieršyja 20 chvilin navat nie adčuvaŭ pachu dymu. Pavodle jaho słoŭ, u kančatkovym vyniku słužačyja pryjšli da vysnovy, što mieła miesca pamyłkovaje spracoŭvańnie. Tym bolš što ŭ sabory byli admysłova navučanyja ludzi, jakija štodnia praviarali stan pažarnaj biaśpieki.
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»

Kamientary