Dzieści a 21:40 u paniadziełak pierastała pracavać najbujniejšaje biełaruskaje žž‑kamjunici minsk_by. Źjaviłasia infarmacyja, što vydaliŭ supołku maderatar aller.
Dzieści a 21:40 u paniadziełak pierastała pracavać najbujniejšaje biełaruskaje žž‑kamjunici minsk_by. Adzin z maderataraŭ supołki karystalnik overdozen skazaŭ nam, što jon nie maje nijakaha ŭjaŭleńnia, što mahło adbycca. Pavodle jahonych słovaŭ, nichto ź inšych staršyń supołki nie maje ŭjaŭleńnia, što zdaryłasia.
Paźniej na inšaj papularnaj supolnaści minsk_news źjaviłasia infarmacyja, što vydalić supołku adnaho z maderataraŭ, aller-a, prymusili supracoŭniki śpiecsłužbaŭ. Paźniej tuju infarmacyju abvierhli.
Na minsk_by było padpisana bolš za dźvie tysiačy karystalnikaŭ. Kamjunici było afišnaj placoŭkaj, navinovym i dyskusijnym partałam.
Supolnaść stała viadomaja paśla padziej sakavika 2006 hodu. Tady jany adyhrała važnuju rolu ŭ infarmavańni pra padziei vybaraŭ i Płoščy. Paźniej, kali hramadskaja ŭvaha, a ź joj i pilnaść maderataraŭ źniziłasia, u supolnaści vyrasła kolkaść spamu. Nieviadomyja stali vykarystoŭvać jaje dla raspaŭsiudu sumnieŭnaj infarmacyi i dezinfarmacyi. Tym nie mienš, kamjunici zachavałasia i było zapatrabavanym.
Nahadajem, što nie tak daŭno biez tłumačeńnia pryčyn byŭ vydaleny błoh viadomaha paeta Andreja Chadanoviča, ale čym praz sutki jahony žž byŭ adnoŭleny.
Tolki prykładna a 13:45 u aŭtorak supołka adnaviła pracu. Adzin z maderataraŭ kende_r adznačyŭ, što ŭsie prablemy vyrašanyja, a vinavatyja stroha pakaranyja. Voś tak jano robicca — u internet-demakratyi.
Ciapier čytajuć
Čamu ŭ biełaruskaj turmie tak mocna chudziejuć? Tłumačym3
Kamientary