«Vinavatyja abodva baki», — tak acharaktarazavaŭ hazavy kryzis pamiž Rasijaj i Ŭkrainaj premjer-ministr Čechii Mirek Tapalanek. A staršynia Jeŭrakamisii Žaze Manuel Barozu pryhraziŭ dźvium krainam sudom.
«Vinavatyja abodva baki», — tak acharaktarazavaŭ hazavy kryzis pamiž Rasijaj i Ŭkrainaj premjer-ministar Čechii Mirek Tapalanek, vystupajučy ŭ Jeŭrapiejskim parłamiencie. Čechija zaraz staršynstvuje ŭ ES.
Tapalanek zaznačyŭ, što adna kraina nie puskaje haz, a druhaja nie choča zajmacca tranzitam.
Staršynia Jeŭrakamisii Žaze Manuel Barozu navat pahražaje Rasii i Ukrainie pozvami ŭ sud, kali dastaŭki hazu ŭ Jeŭropu nie buduć adnoŭlenyja, pieradaje polskaje radyjostancyja Radyjo Zet.
Vienhierskaja kampanija «Emfiez», što kantraluje prykładna 20% hazavaha rynku Vienhryi, padała dva pazovy suprać NAK «Naftahaz Ukrainy» za zryŭ pastavak rasijskaha hazu.
13 studzienia Rasija adnaviła pastaŭki hazu ŭ Jeŭropu pa terytoryi Ukrainy, adnak praź niekalki hadzin znoŭ prypyniła ich, abvinavaciŭšy Ukrainu ŭ błakavańni ruchu. Baki nie zdoleli damovicca ab umovach tranzitu. Kijeŭ patrabuje 20 młn. kubamietraŭ paliva ŭ dzień dla zabieśpiačeńnia technałahičnych patreb, dadaje BiełaPAN.
14 studzienia ŭ Maskvu i Kijeŭ dla pieramoŭ prybuduć premjery Bałharyi i Słavakii — dźviuch krain ES, jakija surjozna cierpiać ad adsutnaści rasijskaha hazu.
Kamientary