pryśviečany rekam i azioram Biełarusi. Jaho ŭžo možna spampavać.
Lavon Volski i Uładzimir Puhač zapisali i vykłali ŭ Internet duet, pryśviečany rekam i azioram Biełarusi.Adbyłosia heta ŭ miežach supolnaha muzyčnaha retra‑prajekta ŭ stylistycy 50‑70‑ch, reliz jakoha na dyskach adbudziecca ŭ lutym.
Pieśnia zaviecca «Takoha niama nidzie». Napisaŭ jaje, jak i astatnija kampazicyi prajekta, Lavon Volski. «Naohuł dysk atrymaŭsia vielmi niesurjozny, – tłumačyć aŭtar. – Heta albom stylizacyj. Na im jość Frenk Sinatra i Edyt Pijaf, kitajskija matyvy i niekalki rok‑n‑rołaŭ. A pieśnia z Vałodziem Puhačam – heta taki ramantyčna‑patryjatyčny biełaruski varyjant Beatles».
Kampazicyja pryśviečana lubvi da biełaruskich azioraŭ i rek, pryčym u tekście zhadana šmat nazvaŭ – ad Niomana da Jasieldy, ad Naračy da Śviciazi. «Ideja zapisać niešta z Puhačam była davoli daŭno, ale nie było pieśni, – havoryć Volski. – A tutaka ŭsio niejak adrazu atrymałasia na sto pracentaŭ – i z muzyčnaha boku, i navat, tak mović, ź ideałahičnaha. Vałodzia naradziŭsia i vyras na Paleśsi dy jašče źjaŭlajecca viadomym amataram adpačynku na Błakitnych aziorach».
Uładzimir Puhač pahadziŭsia na duet biez vahańniaŭ. «Pierš za ŭsio tamu, što heta pryhožaja pieśnia, – pryznajecca jon. – Jana składziena z prostych słoŭ i prostych emocyj. Jaje možna nazvać patryatyčnaj, ale hety patryatyzm nie ahresiŭny i nadumany, jak heta čaściakom byvaje. Jon vielmi žyćciovy i čałaviečny. Mnie heta vielmi spadabałasia».
Pieśniu možna spampavać (na asabistym ŽŽ Lavona Volskaha) i aficyjnym sajcie «J:mors» (www.jmors.by).Siarod inšych udzielnikaŭ prajektu — Pavieł Bułatnikaŭ («Lapis Trubieckoj»), Vitalik Artyst («Biez bileta»), Hanna Chitryk («DietiDietiej»), akciory Aleh Harbuz, Śviatłana Zielankoŭskaja dy inš.
-
Vyjšła aŭtabijahrafija Marka Šahała «Svajo»
-
«Ruskaj movy moj syn nie čuje». Marharyta Laŭčuk — pra vykliki maciarynstva, viartańnie na vialikuju scenu, abražanaha Łukašenku i kachańnie
-
U Vilni ŭšanujuć pamiać biełaruskaha fatohrafa Juzafa Čachoviča i mastakoŭ Ślandzinskich. Vakoł šyldaŭ razhareŭsia moŭny skandał
Kamientary