U Francyi ŭ treciuju subotu sacyjalnych pratestaŭ na vulicy vyjšli 320 tysiač čałaviek, u tym liku 70 tysiač u Paryžy, paviedamlaje Euronews.
Pavodle źviestak Ministerstva ŭnutranych spraŭ, kolkaść udzielnikaŭ akcyj praciahvaje źmianšacca: tydniem raniej, 24 kastryčnika, ułady naličyli 410 tysiač pratestoŭcaŭ, a 17 kastryčnika — 550 tysiač. Praŭda, arhanizatary abiedźviuch papiarednich akcyj zajaŭlali pra 800 tysiač udzielnikaŭ kožnaja.
Moładzievaje abjadnańnie prafsajuzaŭ acaniła siońniašniuju kolkaść pratestoŭcaŭ pa ŭsioj krainie amal u paŭmiljona čałaviek.
Źnižeńnie kolkaści ŭdzielnikaŭ mahło być źviazana, u pryvatnaści, z parušeńniami ŭ pracy hramadskaha transpartu. U Lijonie tramvai i mietro jeździli ŭdvaja radziej, čym zvyčajna. U Paryžy zakryli bolš za 40 stancyj mietro, taksama byli pieraboi ŭ ruchu tramvajaŭ.
Na praciahu dnia Ministerstva ŭnutranych spraŭ paviedamlała, što abstanoŭka ŭ krainie zastajecca ŭ cełym spakojnaj i surjoznych incydentaŭ nie zafiksavana. Da 14‑j hadziny pa ŭsioj Francyi zatrymali 27 čałaviek. Dla paraŭnańnia, padčas akcyi 24 kastryčnika da hetaha ž času zatrymańniaŭ było 217. U šerahu bujnych haradoŭ kałony pratestoŭcaŭ pačali razychodzicca ŭžo kala 16‑j hadziny.
Adnak ułady nie vyklučali abvastreńnia situacyi ŭviečary padčas śviatkavańnia Chełoŭina, jakoje mahło stać nahodaj dla vuličnych sutyknieńniaŭ.
U Lijonie, kali kałona pratestoŭcaŭ nabližałasia da płoščy Žana Mase ŭ siomym rajonie horada, palicyja prymianiła ślezaciečny haz.
Ministerstva ŭnutranych spraŭ papiaredziła, što pravaachoŭniki buduć dziejničać maksimalna žorstka ŭ dačynieńni da tych, chto ŭčyniaje hvałt i razburaje majomaść.
U Francyi paśla mirnych akcyj znoŭ uspychnuli biesparadki. Zatrymali amal tysiaču čałaviek
U Francyi sotni tysiač znoŭ vyjšli na vulicy, palicyja prymianiała ślozatačyvy haz
Makron zabaraniŭ lubyja demanstracyi, aprača prafsajuznych
Francyja pryznała niaŭdačy ŭ svaim adkazie na hvałt. Ciapier razhortvaje vojska i rychtujecca da novych pratestaŭ
«Šaścipałosnaja aŭtastrada» da prezidenctva. Biesparadki ŭ Francyi ŭzmacniajuć šancy Lo Pen na prezidenctva
«Heta nie hłupstva, heta nianaviść». U Francyi pratestoŭcy padpalili ratušu XIX stahodździa VIDEA
Aryštavali pradstaŭnikoŭ kampanii Bayer u Biełarusi15
Kamientary