Palavańnie na kazulu ŭ Biełarusi adkryłasia 15 maja, ale tolki na darosłych samcoŭ i sielekcyjnych žyvioł. Niezakonnuju zdabyču ciažarnaj samki vyjavili dziaržinśpiektary ŭ Białynickim rajonie. Rejdavaja hrupa Viciebskaj abłasnoj i Aršanskaj mižrajonnaj inśpiekcyi vyśvietliła, što samku kazuli (razam z 4-ma zakonna zdabytymi samcami) padstreliŭ palaŭničy-rasijanin, a jehier, jaki pravodziŭ tur, zapluščyŭ vočy na parušeńnie i aformiŭ dakumienty na piaciarych samcoŭ.
Kazula vynošvała traich dzicianiat, jakija nieŭzabavie pavinny byli źjavicca na śviet. Heta vyśvietlili, adkapaŭšy reštki žyvioły. Pryčynienuju pryrodzie škodu acanili ŭ 12240 rubloŭ, udzielniki palavańnia ŭžo pakryli hetuju sumu. Tym nie mienš, u dačynieńni da abodvuch raspačata kryminalnaja sprava. Viadoma, što jehier try hady tamu taksama pryciahvaŭsia da adkaznaści za niezakonnaje palavańnie.
Kamientary