Pałata pradstaŭnikoŭ razhledzić pytańnie ab pryznańni niezaležnaści Paŭdniovaj Asiecii i Abchazii 2 krasavika, abiacaje Valeryj Ivanoŭ. Tym časam dla Zachadu ŭkinutaja inšaja čutka: prakuror Bažełka vierniecca na pasadu i da spravaŭ pra palityčnyja źniknieńni.
Pałata pradstaŭnikoŭ razhledzić pytańnie ab pryznańni niezaležnaści Paŭdniovaj Asiecii i Abchazii 2 krasavika, abiacaje Valeryj Ivanoŭ. Tym časam dla Zachadu ŭkinutaja inšaja čutka: prakuror Bažełka vierniecca na pasadu i da spravaŭ pra palityčnyja źniknieńni.
Pra heta 22 studzienia ŭ Maskvie na pres‑kanfierencyi pavodle vynikaŭ sustrečy kiraŭnikoŭ delehacyj parłamientaŭ dziaržaŭ — členaŭ ADKB u Parłamienckaj asamblei ABSIE zajaviŭ namieśnik staršyni nižniaj pałaty biełaruskaha parłamienta Valeryj Ivanoŭ, paviedamlaje RIA Novosti.
«Hetaje pytańnie abmiarkoŭvajecca siarod deputataŭ pałaty pradstaŭnikoŭ. Rašeńnie budzie pryniata na siesii 2 krasavika.
My viadziem dyjałoh siarod deputataŭ pałaty pradstaŭnikoŭ, i kali budzie pryniata rašeńnie, my jaho abjavim», — skazaŭ jon.
U pałatu pradstaŭnikoŭ adozvy Abchazii i Paŭdniovaj Asiecii z prośbaj pryznać ich niezaležnaść pastupili ŭ listapadzie — pačatku śniežnia 2008 hoda.
24 śniežnia Alaksandr Łukašenka zajaviŭ, što parłamient Biełarusi razhledzić pytańnie ab pryznańni niezaležnaści Paŭdniovaj Asiecii i Abchazii paśla Novaha hoda. «I kali budzie na toje vola naroda, prezident padpiša adpaviednyja dakumienty», — skazaŭ jon.
15 studzienia Jeŭraparłamient pryniaŭ rezalucyju,
u jakoj vitajecca «pazicyja biełaruskich uładaŭ, niahledziačy na vielizarny cisk, nie pryznavać niezaležnaść Paŭdniovaj Asiecii i Abchazii».
Tym časam dla Zachadu ŭkinutaja inšaja čutka: prakuror Bažełka vierniecca na pasadu i da spravaŭ pra palityčnyja źniknieńni. Takaja infarmacyja była źlitaja partału «Biełorusskij partizan».
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie36
Kamientary