«Kommiersant»: «Biełnaftachim» acaniŭ škodu ad «brudnaj» rasijskaj nafty ŭ 155 miljonaŭ dalaraŭ
«Biełnaftachim» vystaviŭ pretenzii «Rasnafty» za zabrudžanuju naftu ŭ pamiery 155 młn dalaraŭ. Pra heta paviedamlaje rasijskaje vydańnie «Kommiersant»
Vydańnie adznačaje, što «Rasnafta» prosić urad Rasii prymusić «Transnaftu» ŭžo zaraz kampiensavać straty spažyŭcoŭ ad zabrudžvańnia nafty ŭ trubapravodzie «Družba». «Rasnafta» atrymała pretenzii ad «Biełnaftachima» na $ 155 miljonaŭ dalaraŭ i jašče na $ 0,45 miljonaŭ ad polskaj Orlen i choča damahčysia ad «Transnafty» harantyi adpaviednych vypłat. U trubapravodnaj manapolii nazyvajuć heta «sprobami zarabić na kampiensacyjach».
Pa dadzienych «Kamiersanta», nasamreč ab takich vysokich sumach kampiensacyj dla Biełarusi havorki nie idzie, ale va ŭradzie ŭ lubym vypadku hatovyja abmiarkoŭvać kampiensacyi tolki paśla poŭnaha vyrašeńnia kryzisu.
U kancy maja kiraŭnik «Rasnafty» Ihar Siečyn napisaŭ list vice-premjeru Rasii Dźmitryju Kozaku z prośbaj paskoryć pryniaćcie rašeńniaŭ pa kampiensacyi strat rasijskich vytvorcaŭ nafty ad zabrudžvańnia syraviny chłarydu ŭ naftapravodzie «Družba»
Pa słovach krynicaŭ «Kamiersanta», znajomych sa źmiestam lista, Siečyn napisaŭ, što biełaruski Mazyrski NPZ choča ad kampanii kampiensacyi strat ad pastavak zabrudžanaj nafty ŭ krasaviku na $ 155 młn. Taksama z pretenzijami źviarnuŭsia polski pierapracoŭščyk Orlen — u $ 0,45 młn za niedapastaŭki nafty ŭ krasaviku. Hetyja pretenzii byli pieranakiravanyja ŭ «Transnaftu», ale, jak adznačyŭ Ihar Siečyn, trubapravodnaja kampanija nie paćvierdziła, što hatova ich zadavolić. Miž tym, havorycca ŭ liście, zamiežnyja spažyŭcy ŭžo šukajuć na rynku zamienu rasijskaj nafcie, a taksama nabirajuć jurystaŭ dla sudovych pretenzij.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary