Biełaruskaja čyhunka zakupiła novyja rasijskija pasažyrskija vahony FOTY
Na stancyju Minsk-Pasažyrski prybyli 14 płackartnych vahonaŭ vytvorčaści Ćviarskoha vahonabudaŭničaha zavoda. U bližejšy čas jany buduć zadziejničany na samych zapatrabavanych napramkach u znosinach z Rasijaj, piša «Źviazda».
Płackartavyja vahony raźličany na ruch z chutkaściu da 160 km/h. Jany majuć sučasny interjer, prystaŭna-ssoŭnyja ŭvachodnyja dźviery i rassoŭnyja dźviery mižvahonnych pierachodaŭ, aŭtamatyčnuju sistemu adkryćcia, zakryćcia i błakiroŭki.
U vahonach ustanoŭleny kandycyjaniery, ekatualety, sistemy abiezzaražańnia vady i pavietra, videanazirańnia i kantrolu biaśpieki ŭ darozie. U sałonach 54 spalnyja miescy.
Kožny pasažyr moža skarystacca piersanalnaj razietkaj abo USB-razdymami dla zaradki mabilnych pryład. Termin słužby hetych vahonaŭ da 40 hadoŭ.
Da kanca červienia na Biełaruskuju čyhunku pastupiać 16 kupejnych vahonaŭ. U 8 ź ich abstalavany kupe dla pieravozki asob ź invalidnaściu, a taksama tych, chto ich supravadžaje.
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA1
Kamientary