Na praciahu červienia i dalar, i jeŭra abnavili minimumy z pačatku hoda. A voś rasijski rubiel padaražeŭ u adnosinach da biełaruskaha na 1%.
Tendencyja zachavajecca, ličyć staršy analityk foreks-brokiera «Alpary» Vadzim Josub: jeŭra i dalar u adnosinach da biełaruskaha rubla buduć źnižacca, a rasijski rubiel — raści. Pra heta jon raspavioŭ, adkazvajučy na pytańnie finance.tut.by.
— Asnoŭny trend červienia — heta ŭpłyŭ na biełaruski valutny rynak źniešnich valutnych rynkaŭ, — adznačaje ekśpiert. — Z vonkavych tendencyj možna vyłučyć rost jeŭra da dalara. Za apošni miesiac jeŭra padaražeŭ da dalara z 1,1140 da 1,1380, abo na 2,1%. Jašče macniej padaražeŭ rasijski rubiel. Jon ŭmacavaŭsia navat da uzrosłaha jeŭra. U Rasii za miesiac dalar patańnieŭ z 65,4 da 63,1 rasijskaha rubla, abo na 3,6%. Jeŭra patańnieŭ z 72,9 da 71,8 rasijskaha, abo na 1,5%.
U vyniku za miesiac da biełaruskaha rubla dalar patańnieŭ na 2,6%, jeŭra źniziŭsia na 0,6%, a rasijski rubiel vyras na 1%, kanstatuje Vadzim Josub. Valutny košyk źniziŭsia na 0,4%. Darečy, na praciahu hetaha miesiaca i dalar, i jeŭra, i košt valutnaha košyka abnavili minimumy z pačatku hoda.
— Chutčej za ŭsio, tendencyja ŭmacavańnia rasijskaha rubla da zamiežnych valut zachavajecca na nastupny miesiac. Tamu na našym rynku my možam čakać źnižeńnia dalara i jeŭra da biełaruskaha rubla z adnačasovym rostam rasijskaha rubla, — kaža analityk. — Na kaniec nastupnaha miesiaca dalar stanie ŭ dyjapazonie 1,97…2,01. Vielmi vierahodna padzieńnie nižej za 2 rubli. Jeŭra budzie znachodzicca ŭ dyjapazonie 2,29…2,33 rubla, a rasijski rubiel — ŭ dyjapazonie 3,24…3,30 za 100 rasijskich.
Nakont Jeŭrapiejskich hulniaŭ i ich upłyvu na kursy valut u Biełarusi, Vadzim Josub kaža, što jany nie akazali nijakaha ŭpłyvu na valutny košyk.
— Vidavočna, što pryjechała mała ludziej. Nie dumaju, što jany zdavali niejkija vialikija hrošy, — kaža ekśpiert. — Dalar i jeŭra ŭ hetym hodzie źnižalisia litaralna ź lutaha. Navat toje, što biełaruski rubiel umacoŭvaŭsia, ni pra što nie kaža. Ź inšaha boku, apošnija dni hetaha tydnia dalar i jeŭra troški padaraželi, tamu i biez Hulniaŭ biełaruski rubiel umacoŭvaŭsia, i padčas Hulniaŭ źnižaŭsia. Nijakaha efiektu ad Hulniaŭ niama.
Ciapier čytajuć
Biełastok na vušach praź źniknieńnie aktyvista Vajciachoŭskaha, susieda pamierłaha špijona Usiera. A toj ciškom viarnuŭsia ŭ Biełaruś14
Kamientary