Va Ukrainie aryštavany biełarus, vinavaciać u niezakonnym zbory infarmacyi
U Prymorskim rajonnym sudzie Adesy razhladajecca kryminalnaja sprava pa abvinavačańni uradženca Homiela ŭ niezakonnym vykarystańni śpiecyjalnych techničnych srodkaŭ atrymańnia infarmacyi.
Usio pačałosia viasnoj 2018 hoda, kali najbujniejšy va Ukrainie apieratar mabilnaj suviazi «Kijivstar» źviarnuŭ uvahu na toje, što ŭ pracy jaho abstalavańnia źjavilisia źniešnija prablemy ŭ vyhladzie nieviadomaha vypramieńvańnia. Apieratar źviarnuŭsia z zajavaj u Słužbu biaśpieki Ukrainy. Śpiecyjalisty praviali adpaviednyja mierapryjemstvy i vyjavili miesca krynicy radyjovypramieńvańnia, jakaja pieraškadžała narmalnaj pracy abstalavańnia apieratara mabilnaj suviazi. Niezakonnaja krynica vypramieńvańnia z prykmietami aktyŭnaha kompleksu manitorynhu sietak sotavaj suviazi raźmiaščałasia ŭ Adesie ŭ adnym z pamiaškańniaŭ doma № 55 pa vulicy Vialikaja Arnauckaja. Tudy i pryjšli ź pieratrusam apieratyŭniki i śledčy SBU.
U chodzie pieratrusu pravaachoŭniki vyjavili bolš za dziasiatak adzinak roznych techničnych pryład, kampjutarnaj techniki, nośbitaŭ infarmacyi, sim-karty i mabilnyja telefony. Toj, chto ŭstalavaŭ heta abstalavańnie, atrymlivaŭ dostup da infarmacyi karystalnikaŭ pasłuh apieratara «Kijivstar». A voś ź jakoj metaj — karyślivaj abo špijonskaj, śledstva vyśvietlić nie zmahło.
Kryminalnaja sprava była zaviedziena pa č.2 art. 359 KK Ukrainy (niezakonnyja nabyćcio, zbyt abo vykarystańnie śpiecyjalnych techničnych srodkaŭ atrymańnia infarmacyi). Sankcyja hetaha artykuła — pazbaŭleńnie voli na termin ad 4 da 7 hadoŭ.
Adzinym zatrymanym akazaŭsia hramadzianin Biełarusi. Viadoma, što jon uradženiec Homiela, raniej nie sudzimy. U dačynieńni da biełarusa kryminalnaja sprava rasśledavałasia i była nakiravana ŭ sud z abvinavačvańniem u ździajśnieńni złačynstva pa č.1 art. 359 KK Ukrainy. Jamu pahražaje pakarańnie ad štrafu da pazbaŭleńnia voli na termin da 4 hadoŭ.
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary