Stryptyziorki z Hrodna zrabili FOTA na miascovym Kurhanie Słavy
Supracoŭnicy hrodzienskaha stryp-kłuba «Rełaks» źnialisia na tanku. Hetym fotazdymkam kłub pavinšavaŭ padpisčykaŭ u sacsietkach z Dniom Niezaležnaści.
Voś tolki fota było zroblena kala miascovaha Kurhana Słavy — heta miemaryjalny kompleks, jaki ŭšanoŭvaje pamiać zahinułych u Druhoj Suśvietnaj vajnie. Kala Kurhana znachodzicca Aleja Hierojeŭ, pobač ź jakoj i vystaŭlenaja vajennaja technika. U tym liku i tyja tanki.
Darečy, fidbek akazaŭsia nie asabliva pazityŭnym. Fota razyšłosia pa sacsietkach, ale karystalniki ŭ asnoŭnym aburajucca zdymkam.
«Naša Niva» źviarnułasia pa kamientar u stryp-kłub. Surazmoŭca Alena paviedamiła, što pracuje dyrektaram kłuba.
«Ja nie chaču adkazvać na pytańni. Tamu što ja całkam padtrymlivaju palityku, jakuju pravodzić naš prezident Alaksandr Ryhoravič Łukašenka. Ja pavažaju ŭsie śviaty, šanuju zakony i ščaślivaja, što žyvu ŭ hetaj krainie. I ŭvieś kalektyŭ taksama, — zapeŭniła jana. —
I heta ŭvieś kamientar. Tak i napišycie. A kali majecie niejkija pytańni, to možacie źviarnucca ŭ Administracyju prezidenta. Ja asabista tam vielmi časty hość. Što ja tam rablu, ja vam raskazvać nie budu. Ale paviercie mnie, ja hłyboka šanuju ŭsie zakony i palityku, jakuju pravodzić naš prezident!»
Vylecieła ŭ nieviadomym kirunku śpikierka KR Anžalika Mielnikava30
Kamientary