Jarmošyna prapanuje pravieści prezidenckija vybary ŭ dzień naradžeńnia Łukašenki
Staršynia Centrvybarkama Lidzija Jarmošyna ŭ prahramie «Kontury» na telekanale ANT nazvała mahčymuju datu vybaraŭ prezidenta Biełarusi — 30 žniŭnia 2020 hoda, paviedamlaje BIEŁTA.
Kažučy pra aptymalny čas praviadzieńnia vybaraŭ kiraŭnika dziaržavy, staršynia CVK adznačyła, što heta rańniaja viasna.
«Ale ŭ nas tolki projduć vybary ŭ listapadzie, a ŭ śniežni my tolki sfarmirujem parłamient, — kanstatavała jana. — Tamu praz try miesiacy — heta značyć treba adrazu pryznačać prezidenckija vybary. A dla čaho my tady pieranosili hetyja?»
«Dumaju, što prezidenckaja kampanija chutčej za ŭsio projdzie ŭ toj termin, jaki vyznačany Kanstytucyjaj. Apošniaja mahčymaja niadziela — 30 žniŭnia 2020 hoda. Dumaju, što heta ź vialikaj vierahodnaściu i jość data vybaraŭ prezidenta Respubliki Biełaruś», — skazała Lidzija Jarmošyna.
Pavodle jaje słoŭ, z adnaho boku jašče budzie leta, ale ź inšaha — 30 žniŭnia — heta čas, kali bolšaść biełarusaŭ viartajucca z adpačynkaŭ, pa mienšaj miery ludzi, u jakich jość dzieci, źjazdžajucca studenty. Tamu ŭ asnoŭnym nasielnictva ŭ bolšaj častcy budzie znachodzicca ŭ miescy svajoj rehistracyi.
«Ale heta pakul tolki zdahadka», — zaŭvažyła staršynia Centrvybarkama.
Jak paviedamlałasia, u 2019 hodzie ŭ Biełarusi adbuducca vybary ŭ Pałatu pradstaŭnikoŭ i Saviet Respubliki. Prezidenckija vybary ŭ Biełarusi projduć u 2020 hodzie. Čakajecca, što vybary ŭ Saviet Respubliki adbuducca 7 listapada, u Pałatu pradstaŭnikoŭ — 17 listapada.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha42
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu142142
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu142
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary