Rasiejskaja Dziaržduma pryniała źmieny ŭ zakon pra aŭtarskaje prava, jakija staviać pad pahrozu pieraśledu kožny klik pravaj knopkaj myšy.
Rasiejskaja Dziaržduma pryniała źmieny ŭ zakon pra aŭtarskaje prava, jakija staviać pad pahrozu pieraśledu kožny klik.
Pravajderaŭ zrabili adkaznymi za «piracki» kantent u ichnich sietkach, a hramadzianam daviadziecca ŭ sudzie dakazvać «nieabchodnaść» navat kapiravańnia karcinki z akna prahladčyka.
Dasłoŭna ŭ zakonie napisana: «Dapuskajecca biez zhody aŭtara ci inšaha pravaaŭładalnika i biez vypłaty ŭznaharodžańnia ŭznaŭleńnie hramadzianinam pry nieabchodnaści i vyklučna ŭ asabistych metach pravamierna abnarodavanaha tvoru».
Ekśpierty tłumačać: heta značyć, što kapiravać u asabistych metach ciapier možna tolki kali ŭ karystalnika jość takaja nieabchodnaść, najaŭnaść jakoj šče daviadziecca dakazvać milicyi, prakuratury, jurydyčnym kampanijam, sudu j da t.p. Navat tady, kały karystalnik prosta vypadkova pstryknuŭ pravaj knopkaj myšy pa niepatrebnaj jamu karcincy ŭ prahladčyku.
Da ŭsiaho pravajdery buduć adkazvać, kali kantent, źmieščany ichnimi karystalnikami, akažacca «pirackim», choć jak adroźnić lehalnaść kantentu, nichto nie viedaje.
Razam z tym, analityki adznačajuć, što niekatoryja prajekty rasiejskich zakanadaŭcaŭ nibyta śpiecyjalna stvoranyja dla taho, kab ich adrynuŭ prezydent. U vypadku z papraŭkami ŭ zakon pra aŭtarskaje prava heta bolš čym vierahodna, bo kahadzie Dźmitryj Miadźviedzieŭ zajaviŭ: «Svaboda słova musić być zabiaśpiečana technałahičnymi navacyjami. Dośvied pakazaŭ, što ŭhavorvać čynoŭnikaŭ «kinuć u spakoi» ŚMI praktyčna bieskarysna. Treba nie ŭhavorvać, a jak maha aktyŭniej pašyrać volnuju prastoru interneta j ličbavaj televizii. Nijaki čynoŭnik nie zmoža pieraškadžać dyskusijam u internecie ci cenzuravać adrazu tysiaču kanałaŭ…», adznačaje «Novyj Riehion».
Tym časam i ŭ Jeŭraźviazie nie śpiać u šapku, a płanujuć razabracca z papularnymi torent-sistemami — uzajemnym fajłaabmienam nieznajomych karystalnikaŭ.
Mietad nie adroźnivajecca aryhinalnaściu: adkazvać za niesankcyjanavanyja abmieny daviadziecca pravajderam. Jany ž buduć vymušanyja sačyć za svaimi klijentami j adklučać ich ad internietu.
Niekatoryja ekśpierty ŭžo nazvali hetkija prapanovy «biazhłuzdymi j supiarečnymi zakonam Eŭraźviazu j zdarovamu sensu». Tym nie mienš, hałasavańnie pa ich adbudziecca najbližejšym časam.
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach4
Kamientary