U Varšavie prajšła sustreča kiraŭnikoŭ Rad biaśpieki ZŠA, Polščy, Biełarusi i Ukrainy
Daradca prezidenta ZŠA pa nacyjanalnaj biaśpiecy Džon Bołtan sustreŭsia siońnia ŭ Varšavie z sakratarami Rad biaśpieki Biełarusi, Ukrainy i Polščy. Pra heta śviedčyć zdymak i podpis da jaho, jaki Bołtan apublikavaŭ u svaim tvitary.
Very pleased to start a conversation among my Polish, Ukrainian, and Belarusian counterparts in Warsaw today. We share common concerns over regional stability and are committed to strengthening the sovereignty and security of our nations. pic.twitter.com/CW97ZtETmc
«Ja vielmi rady pačać siońnia ŭ Varšavie razmovu z maimi polskim, ukrainskim i biełaruskimi kalehami. My padzialajem ahulnyja prablemy z nahody stabilnaści ŭ rehijonie i imkniemsia da ŭmacavańnia suverenitetu i biaśpieki našych narodaŭ», — napisaŭ Džon Bołtan.
Zdymak zrobleny ŭ ofisie Biuro nacyjanalnaj biaśpieki Polščy.
Infarmacyi pra sustreču ŭ biełaruskich aficyjnych krynicach pakul niama.
Napiaredadni, 30 žniŭnia, kiraŭnik Biuro nacyjanalnaj biaśpieki Polščy Pavieł Sołach sustreŭsia z sakratarom Rady biaśpieki Biełarusi Stanisłavam Zasiem. Razmova adbyvałasia pa asnoŭnych pytańniach dvuchbakovych adnosin i situacyi ŭ śfiery rehijanalnaj biaśpieki, paviedamlaje sajt polskaha viedamstva.
Stanisłava Zasia supravadžali namieśnik ministra zamiežnych spraŭ Biełarusi Aleh Kraŭčanka i pasoł Biełarusi ŭ Polščy Uładzimir Čušaŭ.
Kamientary