Ukraina buduje palihon dla navučańnia bajavym dziejańniam va ŭmovach horada
Pra heta na bryfinhu ŭ infarmahienctvie ArmijaInform raskazaŭ pieršy namieśnik načalnika Hałoŭnaha ŭpraŭleńnia padrychtoŭki Uzbrojenych sił Ukrainy pałkoŭnik Ihar Padalan.
«Važnaje pytańnie — prymianieńnie padraździaleńniaŭ na ŭrbanizavanaj miascovaści. My viedajem, što asobnyja rehijony krainy — heta sucelnyja harady, vioski, jakija pieraciakajuć z adnaho ŭ inšy. Heta padšturchoŭvaje nas da taho, kab navučać vojski vajavać u haradach. Praŭda, palihona, jaki imituje takuju miascovaść, niama. Tamu budujem adpaviedny navučalny abjekt, jaki dazvolić nam «vieści boj» u horadzie. U nas niedzie kala 40% hatoŭnaści hetaha abjekta ŭ Staryčach [Lvoŭskaja vobłaść]. Na nastupny hod praduhledžany surjoznyja kapitałaŭkładańni dla taho, kab zaviaršyć da 2021 hoda jaho abstalavańnie», — paviedamiŭ jon.
Razam z tym, Padalan paviedamiŭ, što z hetaha času na padrychtoŭku asobnych padraździaleńniaŭ da dziejańniaŭ nočču traciać 70% vučebnaha času.
«U hetym napramku byli prablemy. I siońnia rašeńniem načalnika Hienieralnaha štaba vyznačany dakładny pieralik padraździaleńniaŭ sa składu kožnaj bryhady, jakaja maje adpaviednaje abstalavańnie dla navučańnia nočču. Raźmierkavańnie vučebnaha času ŭ ich składzie 30/70. Heta značyć 70% ahulnaha času budzie tracicca na toje, kab vykonvać adpaviednyja vučebna-bajavyja zadačy padčas bajavoj padrychtoŭki nočču», — adznačyŭ aficer.
Pašpart Novaj Biełarusi pačnuć vydavać z 26 studzienia. Što viadoma i jak atrymać?60
Kamientary