Hurt Esprit — «Adkryćcio hodu» pa versii «Tuzinu hitoŭ»

Mienski hurt Esprit pieramoh z značnym adryvam u internet‑hałasavańni na TH za «Adkryćcio hodu». Takim čynam, mienavita hetaja kamanda vystupić na cyrymonii «Rok‑Karanacyja» 14 sakavika i aficyjna budzie pryznanaja pieramožcam u svajoj naminacyi.

Hurt Esprit byŭ stvorany ŭ studzieni 2007 hodu. Dahetul vakalistka hurtu Leja Hiłar (Maryja Bardašun) śpiavała ŭ hurcie «Łanholjery», astatnija muzyki ŭvachodzili da hetaha ŭ skład hurtu Frame. Debiutavali na vialikaj scenie ŭ jany jakraz letaś. Udzielničali ŭ adbory na festyval Be Free, byli adznačanyja admysłovym pryzam žury. Trapili ŭ 12‑ku lepšych na konkursie «Załataja akustyka», uvajšli ŭ lik finalistaŭ prajektu «Rok‑škoła». Ź pieśniaj «Znajdzi mianie» pieramahli ŭ pieršym tury čartu «Tuzin Hitoŭ» muzyčnaha sezonu 2008—2009.

Esprit hraje pop‑rok z žanočym vakałam i praniźlivymi tekstami pra kachańnie ŭ vialikim horadzie. Dźvie pieśni hurtu možna pasłuchać na TH: «Znajdzi mianie» i «Kaladnaja».

U hałasavańni za «Adkryćcio hodu» ESPRIT nabrali 665 hałasoŭ, što dazvoliła im upeŭniena pieramahčy.

Hitaryst kamandy Alaksiej Tarusaŭ hetamu faktu vielmi ŭzradavaŭsia: «Ja maryŭ pra rok‑karonu ź dziacinstva, u snach jaje bačyŭ, nie pierabolšvaju! Upieršyniu ja pabačyŭ «Karanacyju« ŭ 1999 hodzie, kali karonu atrymaŭ Neuro Dubel i vykonvaŭ z maestra Mulavinym «Vołohdu«. Tady ja hraŭ va ŭłasnym hurcie i razumieŭ, što da mastadontaŭ mnie jašče daloka. Ale mienavita tady, 10 hadoŭ tamu, mnie zachaciełasia atrymać karonu za «Adkryćcio«. I hetaja mara nie pakinuła mianie pa siońnia».

Maryja Bardašun, vakalistka hurtu, pryznajecca, što zusim nie čakała, što Esprit ŭvojdzie ŭ skład naminantaŭ na «Adkryćcio hodu»: «Supierniki ŭ nas byli vielmi mocnyja. Mocnyja nastolki, što dahetul nie mahu pavieryć, što my pieramahli». Maryja dadaje, što ličyć hetuju pieramohu niejmaviernym dasiahnieńniem: «My zajavili pra siabie tolki ŭ siaredzinie minułaha hodu. My šmat vysiłkaŭ prykłali, kab rabić sapraŭdy jakasnuju muzyku. Urešcie, našyja namahańni prynieśli plon».

Muzyki pryznajucca, što ahitavali ludziej hałasavać za ich, ale tolki nie ź siabroŭskich pierakanańniaŭ: «My źmiaścili abjavu na svajoj staroncy «ŭkantakcie« dy padkreślili, što padtrymać nas varta tolki kali našaja muzyka sapraŭdy prychodzicca daspadoby».

Klavišnik hurtu Aleh Akulič dadaje: «Zastajecca tolki atrymać hetuju karonu, padtrymać jaje ŭ rukoch dy hodna vystupić. I tolki tady ja adčuju, što mara ździejśniłasia i što heta adbyvajecca na samoj spravie. I mienavita z nami».

• 0
• 0
• 0
• 0
• 0
• 0
• 0
• 0