Były kiraŭnik administracyi Pucina prapanavaŭ hanarycca paktam Mołatava — Rybientropa
Dahavor, padpisany ŭ 1939 hodzie SSSR i Niamieččynaj, byŭ dasiahnieńniem savieckaj dypłamatyi, jakim treba hanarycca, zajaviŭ były kiraŭnik administracyi prezidenta Rasii, člen Rady biaśpieki i staršynia apiakunskaj rady Rasijskaha vajenna-histaryčnaha tavarystva Siarhiej Ivanoŭ, piša RBK.
«Ja liču pakt Mołatava — Rybientropa dasiahnieńniem savieckaj dypłamatyi, jakim treba hanarycca», — skazaŭ Ivanoŭ, vystupajučy na plenarnym pasiadžeńni pa vynikach mižnarodnaj navukovaj kanfierencyi «Stratehija SSSR pa praduchileńni Druhoj suśvietnaj vajny ŭ Jeŭropie i Azii».
Ivanoŭ patłumačyŭ, što dziakujučy zaklučeńniu dahavora ab nienapadzie ź Niamieččynaj SSSR zmoh paźbiehnuć vajny na dva fronty i adsunuŭ miažu ad najvažniejšych haradoŭ krainy.
«My chacieli pačać vajnu z Hiermanijaj za 40 km ad Minska abo za 100 km ad Leninhrada? Dzie b my spynili niemcaŭ — za Urałam? Samaje hałoŭnaje — heta nacyjanalnyja intaresy», — skazaŭ jon.
Ivanoŭ taksama adznačyŭ, što ŭklučeńnie ŭ 1940 hodzie ŭ skład SSSR Estonii, Łatvii i Litvy nielha ličyć akupacyjaj, bo hramadzianie hetych krain «stanavilisia hramadzianami Savieckaha Sajuza z usimi pravami i abaviazkami, a mnohija z hramadzian hetych terytoryj stali ŭvachodzić u savieckuju elitu».
Dahavor ab nienapadzie pamiž Hiermanijaj i Savieckim Sajuzam byŭ padpisany 23 žniŭnia 1939 hoda ŭ Maskvie ministrami zamiežnych spraŭ dźviuch krain Iachimam fon Rybientropam i Viačasłavam Mołatavym. Da dahavora prykładaŭsia sakretny dadatkovy pratakoł ab raźmiežavańni śfier intaresaŭ va Uschodniaj Jeŭropie na vypadak «terytaryjalna-palityčnaha pieraŭładkavańnia».
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary