Nastaŭnica, zvolnienaja i adnoŭlenaja ŭ Homieli, užo na pracy: «Vy bačycie na maim tvary ŭśmiešku?..» A dyrektarka płača
Nastaŭnica z Homiela, jakuju viarnuŭ na pracu Łukašenka, pravodzić uroki. Ciapier u škole pieražyvajuć za zvolnienaha dyrektara, piša kp.by.
Čaćvier 19 vieraśnia staŭ u samaj viadomaj škole Homiela nie mienš napružanym dniom, čym burnyja dni da taho. Nahadajem, paśla skandału ź videa nastaŭnicy ŭ spravu ŭmiašaŭsia kiraŭnik dziaržavy. Rašeńni byli žorstkimi i šmatuzroŭnievymi: nastaŭnicu adnavili na pasadzie, vysokija čynoŭniki atrymali vymovy, a dyrektara škoły — zvolnili ź pieravodam na inšuju pracu.
U škołu №15 žurnalistaŭ nie puskajuć. A 8-j ranicy 19 vieraśnia dyrektarki Maryny Čarnienka (užo byłoj?) u joj jašče nie było. Supracoŭniki ŭ adzin hołas skazali, što rašeńnie ab zvalnieńni Maryny Uładzimiraŭny dla ich było šokam, jany pračytali jaho ŭviečary ŭ sieradu ŭ navinach. Čakajuć jaje prychodu, pra novaha dyrektara razmova pakul nie idzie.
A voś zvolnienaja i adnoŭlenaja nastaŭnica Ludmiła Ivanaŭna była na miescy. Jana vyjšła da vachty i vyhladała pachmuraj, nie razmaŭlała. Skazała, što kamientaroŭ ad jaje pakul nie budzie, bo joj treba padrychtavać kłas i pravieści ŭroki. Nahadajem, jana viadzie ŭroki ŭ 2 kłasie, a ŭ toj dzień vychodziła na zamienu.
Na pytańni, jak jaje nastroj paśla ŭsich navin, Ludmiła Ivanaŭna stomlena praviała rukoj pa tvary i spytała: «Vy što, bačycie na maim tvary ŭśmiešku?..» I pajšła ŭ kłas.
Dyrektar na ŭvachodzie tak i nie źjaviłasia — jana zajšła z druhoha ŭvachodu. I baćki, i piedahohi vielmi dobra pra jaje adhukalisia: «Dva hady na pasadzie. Jana tut praktyčna žyvie, u hetaj škole! Sama jaje skončyła, potym advučyłasia, viarnułasia, była nastaŭnikam pačatkovych kłasaŭ, stała dyrektaram… My ŭsie za jaje, vielmi škada jaje. Rašeńnie ab jaje zvalnieńni — heta niespraviadliva».
Parazmaŭlała z žurnalistami tolki zavuč. Jana skazała, što ŭsie na miescy, usie pracujuć u štatnym režymie, aficyjnych zahadaŭ u ich pakul nie było.
Da 9 ranicy ŭ škołu prybyŭ namieśnik staršyni homielskaha harvykankama Vital Atamančuk. Jon skazaŭ, što pryjechaŭ vykonvać rašeńnie prezidenta — heta značyć adnaŭlać na pasadzie nastaŭnika i zvalniać dyrektara. Jašče budzie vyrašacca pytańnie, jak jaje buduć zvalniać, ci budzie jana pisać zajavu i na jakuju pracu jaje pieraviaduć. Jon paprasiŭ taksama nie tryvožyć zaraz dyrektara.
Uzdychnuŭšy, skazaŭ, što jana płača.
Za zvalnieńnie homielskaj nastaŭnicy pakaranyja Kačanava, Rumas i Karpienka
Skandalnuju nastaŭnicu z Homiela adnavili pa pramym ukazańni Łukašenki
«Ja ŭ turmu pajdu, a tabie p***iec budzie»: homielskaja nastaŭnica kinułasia na 4-kłaśnika, bo toj zaśmiajaŭsia VIDEA
Nastaŭnicu, jakaja pahražała stuknuć školnika partaj i abražała jaho, zvolnili
Ciapier čytajuć
Kadebešniki telefanujuć biełarusam u emihracyi praź ich siabroŭ — čaho chočuć?13
Kamientary