Prakuratura paprasiła Masharsud źmianić mieru strymańnia Paŭłu Uścinavu, asudžanamu napiaredadni na 3 hady
Prakuratura nakiravała ŭ Masharsud zajavu ab źmienie miery strymańnia Paŭłu Uścinavu jašče da razhladu apielacyi na jaho prysud. Pra heta «Interfaksu» raspavioŭ advakat Anatol Kučerena, jaki napiaredadni ŭstupiŭ u spravu.
Čakajecca, što Masharsud razhledzić zajavu prakuratury 20 vieraśnia ŭ 12:00.
Raniej kiraŭnik «Ahory» Pavieł Čykaŭ adznačaŭ, što takaja ž schiema była vykarystanaja ŭ spravie «Kiraŭlesa» ŭletku 2013 hoda. Tady Alaksieja Navalnaha spačatku prysudzili da realnaha termina i adrazu ŭziali pad vartu, ale paśla masavaj niaŭzhodnienaj akcyi na Ćviarskoj vulicy bok abvinavačvańnia sam paprasiŭ sud jašče da apielacyi adpuścić Navalnaha ź SIZA.
Paŭła Uścinava zatrymali na akcyi za sumlennyja vybary ŭ Mashardumu 3 žniŭnia. Pa viersii śledstva, jon «akazaŭ aktyŭny supraciŭ» amapaŭcu, z-za čaho bajec «vyvichnuŭ plačo».
U hety paniadziełak Ćviarski rajonny sud Maskvy prysudziŭ Paŭła da 3,5 hoda kałonii.
U chodzie pasiedžańnia sudździa Alaksiej Kryvaručka ŭličyŭ stanoŭčyja charaktarystyki, adnak adznačyŭ, što pakarańniem moža vystupać tolki realnaje pazbaŭleńnie voli.
Sam Uścinaŭ admoviŭsia pryznavać vinu. Jon śćviardžaŭ, što nie ŭdzielničaŭ u pratestach, a čakaŭ siabra. Pry zatrymańni ž małady čałaviek, pa jaho ŭłasnych słovach, tolki «sprabavaŭ zachavać raŭnavahu». Śviedki z boku abarony raniej taksama padkreślivali, što pry zatrymańni jon nie supraciŭlaŭsia. Na videa, jakoje raspaŭsiudžvałasia, było bačna, što Uścinaŭ nijakaha supracivu nie akazvaje, ale sudździa admoviŭsia jaho pryznavać.
Pietycyju za vyzvaleńnie Uścinava padpisali kala 100 tysiač čałaviek.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary