Alaksandr Łukašenka padpisaŭ rasparadžeńnie, u adpaviednaści ź jakim za niepryniaćcie mier pa naviadzieńni paradku va ŭstanovach ahulnaj siaredniaj adukacyi i nievykanańnie daručeńniaŭ Łukašenki pryciahnuty da adkaznaści šerah słužbovych asob.
Strohaje papiaredžańnie atrymali premjer-ministr Siarhiej Rumas, kiraŭnik Administracyi prezidenta Natalla Kačanava, namieśnik premjer-ministra Ihar Pietryšenka.
Ministr adukacyi Biełarusi Ihar Karpienka papiaredžany ab niapoŭnaj słužbovaj adpaviednaści.
Staršyni Homielskaha abłasnoha vykanaŭčaha kamiteta daručana zabiaśpiečyć pryciahnieńnie da dyscyplinarnaj adkaznaści ŭ vyhladzie vymovy namieśnika staršyni Homielskaha abłvykankama U.Pryvałava, kiraŭnika administracyi Navabielickaha rajona Homiela S.Kazačka, namieśnika staršyni Homielskaha harvykankama V.Atamančuka.
Hubiernataru taksama daručana zabiaśpiečyć vyzvaleńnie ad zajmajemych pasad u suviazi ź pieravodam na inšuju rabotu načalnika hałoŭnaha ŭpraŭleńnia adukacyi Homielskaha abłasnoha vykanaŭčaha kamiteta S.Parošyna, načalnika ŭpraŭleńnia adukacyi Homielskaha haradskoha vykanaŭčaha kamiteta Ł.Kryliścienka, namieśnika kiraŭnika administracyi Navabielickaha rajona Homiela Ja.Kopy, načalnika adździeła adukacyi, sportu i turyzmu administracyi Navabielickaha rajona Homiela A.Dziemienčuka, hałoŭnaha śpiecyjalista adździeła adukacyi, sportu i turyzmu administracyi Navabielickaha rajona Homiela K.Šaramavaj, dyrektara siaredniaj škoły numar 15 Homiela M.Čarnienka.
Premjer-ministru, kiraŭniku Administracyi prezidenta, ministru adukacyi i staršyni Homielskaha abłasnoha vykanaŭčaha kamiteta daručana zabiaśpiečyć pryciahnieńnie da dyscyplinarnaj adkaznaści inšych słužbovych asob, vinavatych u nienaležnaj rabocie ŭstanoŭ ahulnaj siaredniaj adukacyi; adnavić na rabocie Ł.Čaćviartkovu na pasadzie nastaŭnika pačatkovych kłasaŭ siaredniaj škoły numar 15 Homiela; pryniać vyčarpalnyja miery pa vykanańni daručeńniaŭ Łukašenki ŭ śfiery ahulnaj siaredniaj adukacyi.
Kantrol za vykanańniem rasparadžeńnia ŭskładzieny na Administracyju prezidenta.
Kamientary