Pryčynaj adklučeńnia elektraenierhii ŭ minskim aeraporcie mahło stać staroje abstalavańnie
U pryčynach časovych adklučeńniaŭ elektraenierhii ŭ Nacyjanalnym aeraporcie Minsk, jakija dvojčy adbyvalisia ŭ hałoŭnaj pavietranaj havani krainy ŭ vieraśni, ciapier raźbirajecca śpiecyjalnaja mižviedamasnaja kamisija.
Pra heta paviedamiŭ siońnia žurnalistam pieršy namieśnik ministra transpartu i kamunikacyj Alaksiej Lachnovič na palach Biełaruskaha transpartnaha tydnia, pieradaje BiełTA.
«Pryčyny zdareńnia zaraz vyśviatlaje mižviedamasnaja rabočaja kamisija, stvoranaja na zahad Ministerstva transpartu i kamunikacyj. U jaje skład uvajšli i enierhietyki, i pradstaŭniki Departamienta pa avijacyi, aeraporta, MNS», — skazaŭ Alaksiej Lachnovič.
Jon nie ŭziaŭsia kamientavać situacyju da taho, pakul kamisija nie zaviaršyła svaju pracu, adnak vykazaŭ mierkavańnie, što vinoj usiamu staroje abstalavańnie, jakomu ŭžo kala 40 hadoŭ.
Adklučeńnie elektraenierhii moža adbycca ŭ lubym aeraporcie, adznačyŭ Alaksiej Lachnovič. Adnak u hetym vypadku, ličyć jon, pravilniej budzie stavić pytańnie nie pra toje, čamu mahli zdarycca adklučeńnia elektraenierhii, a čamu nie spracavali reziervovyja krynicy siłkavańnia.
«Adpracavaŭšy 40 chvilin, jany adklučylisia», — nahadaŭ jon.
«Siońnia nabyty jašče dva dyziel-hienieratary, jakija dazvolać vyklučyć padobnyja padziei», — dadaŭ pieršy namieśnik ministra. Pavodle jaho słoŭ, abstalavańnie padklučana ŭžo.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Kamientary