U Danii nie zastałosia palityčnych piarečańniaŭ, źviazanych z prakładkaj u jaje vyklučnaj ekanamičnaj zonie rasiejskaha hazapravoda «Paŭnočny strumień-2». Pra heta paviedamlajuć «Iźviestija» sa spasyłkaj na krynicy, znajomyja z chodam realizacyi prajekta.
Pa słovach adnaho z surazmoŭcaŭ haziety, źviazanyja z palitykaj momanty tyčylisia zajaŭki na prachodžańnie hazapravoda praz dackija terytaryjalnyja vady. Na hetym etapie ŭłady maksimalna zaciahnuli z terminami ŭzhadnieńnia. U kancy červienia zajaŭku adklikali, a ŭ lipieni padali novuju, i ŭ joj havorka išła ŭžo pra maršrut praz vyklučnuju ekanamičnuju zonu Danii, što rehulujecca mižnarodnaj kanviencyjaj ab marskim pravie. Ciapier praces pryniaŭ vyklučna administracyjny charaktar i padychodzić da zaviaršeńnia.
Kali mienavita Danija prymie rašeńnie adnosna rasijskaha hazapravoda nieviadoma. Pytańnie vyrašycca, kali skončycca acenka ŭździejańnia na navakolnaje asiarodździe i biaśpieku, jakuju pravodzić jak Danija, tak i sumiežnyja dziaržavy. Tamu terminy jašče buduć zaležać ad mahčymych kansultacyj ź inšymi krainami.
U kampanii-apieratary prajekta «Paŭnočny patok-2» Nord Stream 2 AG taksama nie zmahli nazvać imaviernyja terminy.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary