Diana Nausėdienė
Prezident Litvy Hitanas Naŭsieda skazaŭ, što Litva hatova dać Biełarusi mahčymaści impartavać naftu praź Litvu, u jakaści alternatyvy pastaŭkam z Rasii, paviedamlaje Radyjo Svaboda sa spasyłkaj na delfi.lt
Padčas intervju amierykanskamu telekanału CNN, kiraŭnik litoŭskaj dziaržavy paviedamiŭ, što Litva pavinna dapamahčy zaležnaj ad Rasii Biełarusi «zachavać choć krychu niezaležnaści».
«Naprykład, možna było b stvaryć alternatyŭny kanał impartavańnia nafty praz (litoŭski) port, pakolki na siońniašni momant jany (Biełaruś) całkam zaležać ad rasijskaha hazapravodu. Jany šukajuć alternatyvu. I tut jość Litva». — zajaviŭ Hitanas Naŭsieda.
Adkazvajučy na pytańnie, jak na heta adreahuje prezident Rasii Uładzimir Pucin, Hitanas Naŭsieda zajaviŭ: «Nie dumaju, što jon budzie zadavoleny, kali heta pačuje».
I paśla dadaŭ, što: «Ale dumaju, što dapamahčy im heta naša adkaznaść».
Premjer-ministr Litvy Saŭlus Skviarnialis paśla sustrečy z premjer-ministram Polščy Mateŭšam Maravieckim u žniŭni, zajaviŭ, što Litva i Polšča dumajuć nad prajektam, jaki b moh dapamahčy źnizić enierhietyčnuju zaležnaść Biełarusi ad Rasii. Jon taksama skazaŭ, što dumaje nad mahčymaj dyviersifikacyjaj enierhietyčnych krynic Biełarusi z vykarystańniem infrastruktury Litvy.
Alaksandr Łukašenka raniej zajaŭlaŭ, što Biełaruś mahła b impartavać naftu praz Polšču i krainy Bałtyi, kali z Rasijaj nie atrymajecca damovicca nakont padatkaŭ.
Aperatar terminała pa pierapracoŭcy nafty i zvadkavanaha pryrodnaha hazu «Kłajpiedzkaja nafta», što naležyć Litvie, taksama zajaŭlaŭ što pradpryjemstva moža supracoŭničać ź Biełaruśsiu, kali biełaruskija ŭłady vyrašać impartavać naftu praź litoŭski port. Pavodle apieratara, na praciahu dziesiaci hadoŭ jany ŭžo dapamahali biełaruskim pierapracoŭčym pradpryjemstvam nie tolki z ekspartam naftapraduktaŭ, ale i ź impartam syroj nafty
Što zapisana aficyjnaj pryčynaj śmierci adzinaha syna Jarmošynaj?6
Kamientary