17-hadovy chłopiec ź Mścisłava pierastaŭlaŭ simki ŭ telefonach. I tak skraŭ 5 tysiač rubloŭ
Śledčym upraŭleńniem USK pa Mahiloŭskaj vobłaści rasśledujecca kryminalnaja sprava ab kradziažy šlacham vykarystańnia kampjutarnaj techniki, zaviedzienaja ŭ dačynieńni da niepaŭnaletniaha žychara Mścisłava.
17-hadovy padletak niby dla pravierki pracazdolnaści słota dla sim-karty ŭ svaim telefonie, prasiŭ u vypadkovych minakoŭ albo znajomych sim-kartu apieratara sotavaj suviazi. Paśla čaho, z dapamohaj ustalavanaha na jaho telefonie prahramnaha zabieśpiačeńnia padklučaŭ na abaniencki numar elektronny kašalok, na jakim znachodzilisia pradastaŭlenyja apierataram hrašovyja srodki na 100 rubloŭ, i pieravodziŭ ich na padkantrolnyja jamu bankaŭskija rachunki i abanienckija numary.
Padobnyja dziejańni małady čałaviek ździajśniaŭ na terytoryi Mścisłava, Mahilova i Minska. Ustanoŭlena, što takim sposabam u pieryjad z kanca maja pa kaniec vieraśnia jon pieravioŭ nie mienš za 5 tysiač rubloŭ. Paviedamleńni ab doŭhu prychodzili paciarpiełym praź miesiac, i padletak raźličvaŭ, što paciarpiełyja nie ŭspomniać abstaviny pieradačy jamu sim-karty. Vykradzienyja hrošy niepaŭnahadovy traciŭ na asabistyja patreby, u tym liku na staŭki ŭ bukmiekierskich kantorach.
U ciapierašni čas pa kryminalnaj spravie vyjaŭlena 50 paciarpiełych. U asnoŭnym małady čałaviek prasiŭ sim-kartu ŭ małaletnich dziaciej i maładych dziaŭčat.
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary