U Kanhresie ZŠA staviać pad sumnieŭ novaje finansavańnie Ukrainy i čakajuć dziejańniaŭ ad Jeŭropy
Staršynia kamiteta zamiežnych spraŭ Pałaty pradstaŭnikoŭ ZŠA Brajan Mast zajaviŭ, što Kanhres naŭrad ci ŭchvalić novy bujny pakiet finansavaj dapamohi Ukrainie, piša RBK-Ukraina sa spasyłkaj na intervju Masta.
«Ja nie vieru, što vy ŭbačycie novy amierykanski pakiet dapamohi Ukrainie — na 6 miljardaŭ dalaraŭ, 60 miljardaŭ ci lubuju inšuju sumu», — zajaviŭ Mast.
Pavodle słoŭ kanhresmiena-respublikanca, vajna Rasii suprać Ukrainy adbyvajecca «na zadnim dvary Jeŭropy», tamu mienavita jeŭrapiejskija dziaržavy pavinny ŭziać na siabie bolšuju adkaznaść za padtrymku Kijeva.
Mast taksama zajaviŭ, što administracyja prezidenta Trampa prytrymlivajecca «ŭzvažanaha» padychodu adnosna vajny va Ukrainie.
U toj ža čas Vašynhton, pavodle jaho słoŭ, praciahnie padtrymlivać Kijeŭ praź pieradaču ŭzbrajeńniaŭ, raźviedvalnyja danyja i sankcyjny cisk na Rasiju.
«My hatovyja być pasiarednikami miru. Jeŭropa pavinna abaraniać ułasny dvor», — skazaŭ Mast.
Adnačasova amierykanski kanhresmien padtrymaŭ ideju novych sankcyj suprać Rasii. Adnak jon padkreśliŭ, što abmiežavańni nie pavinny bolš škodzić sajuźnikam ZŠA, čym samoj Rasii.
«Sankcyi pavinny nanosić bolš škody našym voraham i prynosić bolš karyści nam i našym sajuźnikam», — padkreśliŭ Mast.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary
Tak, maksimalna hadkija i ŭbludačnyja pačvary što Tramp što astatnija.
Škada što epštejn tak lehka saskočyŭ.