Niaklajeŭ vystupiŭ suprać kiraŭnictva PENa: Nichto z vas nie zrabiŭ takoha ŭniosku, jak Šapran
Uładzimir Niaklajeŭ adreahavaŭ na hučny skandał, źviazany z padziejami ŭ PEN-centry. Na svajoj staroncy jon napisaŭ zvarot da rady biełaruskaha PEN-centra.
Čytajcie taksama:
Pavieł Sieviaryniec: Chadanovič pryciahnuŭ u PEN-Centr ahresiŭnych fieministak i hiej-łobi, ale nie puskaje chryścijan
Chadanovič prakamientavaŭ pretenzii pra hiej-łobi i «levakoŭ» u PEN-centry
Niekalki siabroŭ Biełaruskaha PEN-centra, adnosinami ź jakimi ja daražu, patelefanavali i napisali pra situacyju, jakaja skłałasia ŭ PENie, pakivaŭšy mnie, što ja ŭchilajusia ad piśmieńnickich prablem. Heta nie tak, ja navat źbiraŭsia być na źjeździe PENa, ale jakraz hetymi dniami pamior u Stakholmie blizki mnie čałaviek…
Nie majučy mahčymaści pryjechać, ja napisaŭ list da staršyni PEN-centra i siabroŭ Rady. List pryvatny, ale pakolki nijakaha adkazu na jaho ja nie zajmieŭ, pra rašeńnie Rady nichto mnie nie paviedamiŭ, miarkuju, što maju prava źmiaścić hety pryvatny list u publičnaj prastory.
DA RADY BIEŁARUSKAHA PEN-centra
Taćciana,
siabry Rady,
mnie, miakka kažučy, niajomka praz toje, što adbyvajecca vakoł biełaruskaha PENa…
Siarhiej Šapran napisaŭ dvuchtomnaje daśledvańnie pra žyćciovy los i tvorčaść zasnavalnika biełaruskaha PEN-centra Vasila Bykava. Napisaŭ faktyčna biezhanararna, zatraciŭšy na heta čatyry hady žyćcia. Nichto z vas nie zrabiŭ hetakaha ŭniosku ŭ PEN, a vy vyklučyli jaho z PENa za niaŭpłatu ŭnioskaŭ.
Hleb Łabadzienka pastaviŭ pomnik na mahile suzasnavalnika biełaruskaha PENa, jahonaha pieršaha prezidenta Ryhora Baradulina. Pastaviŭ, spaŭniajučy zapaviet najpieršaha sučasnaha biełaruskaha paeta. A vy pastanavili vyklučyć jaho z PENa.
U zmahańni za Biełaruś, za nacyjanalnuju kulturu i biełaruskuju movu Pavieł Sieviaryniec prasiadzieŭ u turmie bolš, čym vy, zmahajučysia za Statut, prasiadzieli na Załatoj Horcy. Jon viazień sumleńnia pavodle jahonaha statusu. I jon jašče nie vyjšaŭ byŭ z turmy, a vy prapanavali jamu vyjści z PENa. Pavodle Statutu.
Ja prasiŭ vas hetaha nie rabić.
Vy spasłalisia na pryncypy.
Što ž, pryncypy dyk pryncypy.
Ja pryncypova nidzie i nikoli nie kazaŭ, kali, kamu i čym dapamahaŭ. Nu, dapamoh — i pra toje viedajuć ty dy Boh. Ale ŭ dadzienym vypadku prosta zmušany nahadać, što mnoj byli achviaravanyja na dziejnaść PENa srodki, jakich bolš čym dastatkova, kab pahasić zapazyčanaść usich siabroŭ PENa, vyklučanych za niaŭpłatu ŭnioskaŭ.
Prašu vas heta zrabić. I na tym pieraharnuć staronku historyi PENa, jakuju nie chočacca čytać.
Uładzimir Niaklajeŭ.
23.10.2019, Šviecyja, Łund.
-
«Hety chłopiec, vidać, padasłany — u jaho boty načyščanyja»: Sieviaryniec raskazaŭ historyju źjaŭleńnia Daškieviča ŭ «Maładym froncie»
-
«Ja ciapier całkam inšy čałaviek». Piśmieńnica Śviatłana Kurs pra rak i svaju fiłasofiju žyćcia
-
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda5
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary