U Vilejskim rajonie mužčyna prykinuŭsia miortvym paśla troch udaraŭ nažom u šyju — i vyžyŭ
U Vilejcy buduć sudzić 43-hadovaha žychara adnoj ź viosak, jaki nanios 49-hadovamu adnaviaskoŭcu čatyry ŭdary nažom u šyju, piša mlyn.by.
— Złačynstva było ździejśniena 23 žniŭnia. Mužčyny raśpivali śpirtnoje ŭ dvary doma paciarpiełaha i pasvarylisia. U chodzie kanfliktu hość try razy ŭdaryŭ haspadara nažom u šyju. Paciarpieły adčuŭ, što słabieje, i prykinuŭsia miortvym. Paśla hetaha jaho sabutelnik nanios čaćviorty ŭdar nažom i syšoŭ, — raspavioŭ namieśnik prakurora Vilejskaha rajona Andrej Žukoŭski.
Pavodle jaho słoŭ, paranieny byŭ u prytomnaści. Kali zrazumieŭ, što sabutelnika pobač niama, zacisnuŭ rany na šyi i zmoh vyklikać chutkuju dapamohu i milicyju.
Abvinavačany sudzimaściaŭ nie maje i nidzie nie pracuje. U dačynieńni da mužčyny abranaja miera strymańnia ŭ vyhladzie zaklučeńnia pad vartu.Złačynstva karajecca pazbaŭleńniem voli na termin ad šaści da piatnaccaci hadoŭ.
Kamientary