Na 2009 hod kanału MZS Polščy vydzialaje 5,65 młn dalaraŭ, u minułym hodzie było -- 8 młn dalaraŭ, choć suma ŭ złotych zastajecca amal toj ža - 21 młn złotych.
20 697 000 PLN (kala 5 655 000 USD) — na takim uzroŭni Ministerstva zamiežnych spravaŭ Polščy i Polskaja televizija akreślili pamier finansavańnia ŭ 2009 hodzie.Srodki na prajekt vyłučajucca z metavaha reziervovaha fondu polskaha ŭradu, pryznačanaha na zamiežnuju dapamohu dziela raźvićcia i padtrymańnia demakratyi dy hramadzianskaje supolnaści.
MZS Polščy nie vyklučaje, što u druhoj pałovie hoda pryznačyć dadatkovyja 2 młn. PLN. Kab utrymać uzrovień i praciahłaść tranślacyi, nieabchodna mieć amal 27 młn. PLN.
Mahčyma, dadatkovyja srodki pryjduć ad donaraŭ i sponsaraŭ ź jeŭrapiejskich krainaŭ i Złučanych Štataŭ. Pra svajo padtrymańnie ŭžo zajavili Paŭnočnaja Rada Ministraŭ, jakaja abjadnoŭvaje skandynaŭskija dziaržavy i ŭrad Šviecyi. Prajektam zacikaviłasia i Jeŭrapiejskaja Kamisija, jakuju Jeŭraparłamient užo dvojčy zaklikaŭ akazać «Biełsat TV» dapamohu. 20 lutaha ŭ siadzibie Jeŭrakamisii adbyłosia spatkańnie patencyjnych donaraŭ.
Na 2008 hod Biełsatu MZS Polščy taksama vydzieliŭ 21 młn złotych (ale tady heta składała 8 młn dalaraŭ), choć kiraŭnictva kanału kazała pra nieabchodnaść vydzialeńnia 27 młn złotych (tady heta składała - 10 młn dalaraŭ).
Za niekalki miesiacaŭ złoty ŭ Polščy značna devalvavaŭsia, niedzie na 25-30%.
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary